A seriyasında mövsümə iki qələbə ilə başlayan “Yuventus” seriyanı davam etdirə bilmədi.

3-cü turdan sonra birdən-birə 4 komanda turnir cədvəlində şərikli lider oldu. “Yuventus” evdə “Roma” ilə keçirdiyi oyunda büdrədi. Meydanda barışmaz mübarizə getsə də, qapılar qarşısında real qol vəziyyəti nadir hallarda yaranırdı. Nəticədə matç başladığı hesabla sona çatdı. “Canavarlar”ın 2001-ci ildən sonra Turində top buraxmadıqlarını xüsusilə qeyd edək. Nəticədə “Yuventus” vahid liderliyi əldən verdi.

Mövsümə Genuyada 2:2 hesablı heç-heçə ilə başlayan “İnter” tədricən nəticələrini yaxşılaşdırır. 2-ci turda “Leççe”nin qapısından iki cavabsız top keçirən son çempion bu dəfə “Atalanta”nı darmadağın etdi. Avropa Liqasının son qalibi milanlılar qarşısında növbəti dəfə aciz qaldı. Simone İnzaqinin komandası əsl çempiona yaraşan oyunla daha çox top vurduğu üçün 1-ci yerə yüksəldi.
Milan şəhərinin eyniadlı təmsilçisi isə növbəti dəfə büdrədi. “Milan” paytaxtda “Latsio” ilə keçirilən matçda hesabı açsa da, müdafiədəki səhvlərə görə topu qapısında ardıcıl iki dəfə gördü. Qonaqlar yalnız Leaonun meydana çıxmasından sonra məğlubiyyətdən qaça bildilər. “Milan”ın yeni baş məşqçisi Paulu Fonsekanın onu və Ernandesi start heyətində oynatmamaq qərarı təəccüb doğurmaya bilməz. Nəticə isə qarşısına çempionluq hədəfini qoyan komandaya heç yaraşmır: “Milan” ilk 3 oyunda hesabına yalnız 2 xal yaza bilib...

İlk turda “Verona”dan üç cavabsız top buraxan “Napoli” tədricən özünə gəlir. Yeni baş məşqçi Antonio Kontenin debütü fiasko ilə nəticələnsə (“Verona”ya 0:3 hesablı məğlubiyyət) də, cənublular sonrakı iki oynu maksimum nəticə ilə başa vurublar. Amma “Napoli”nin evdə “Parma”ya çox çətinliklə qalib gəldiyini də deməliyik. İlk hissəni məğlub başa vuran neapollular buna görə 76-cı dəqiqədə ikinci xəbərdarlığı alaraq komandanı çox çətinə salan rəqib qapıçı Sudzukiyə minnətdar olmalıdılar. Buna qədər 5 əvəzləmənin hamısından yararlandıqları üçün qonaqların qapısını müdafiəçi Del Prato qorumalı oldu. O isə qalan vaxtda iki top buraxaraq qapıçı kimi heç də yaxşı görünmədi.

3-cü tur
İnter – Atalanta 4:0
Cimşiti, 3-öz qapısına. Barella, 10. Türam, 47; 56. (71745)
İnter: Zommer, Dimarko, Açerbi, Pavar, Bastoni (Auqusto, 61), Darmian, Barella (Frattezi, 79), Mxitaryan, Çalhanoğlu (Asllani, 61), Türam (Taremi, 79), Lautaro Martines (Arnautoviç, 83).
Atalanta: Karnesekki, Cimşiti, Rucceri, De Roon, Zappakosta (Palestra, 80), Bellanova (Toloy, 58), Ederson, Paşaliç, Samarciç (De Ketelare, 80), Breşianini, Retegi.
Latsio – Milan 2:2
Kastelyanos, 62. Dia, 66 - Pavloviç, 8. Leao, 77. (48600)
Latsio: Provedel, Tavareş (Hüsay, 90), Romanyoli, Patrik, Latsari (Maruşiç, 46), Rovella, Genduzi, Zakkanyi, Dia (Dele-Başiru, 81), Çauna (İsaksen, 46), Kastelyanos (Noslin, 86).
Milan: Menyan, F.Terraçano, Pavloviç, Tomori, Emerson (Ernandes, 72), Reynders (Musa, 71), Fofana, Pulişiç, Loftus-Çik, Çukvueze (Leao, 71), Okafor (Abraham, 71).
Bolonya – Empoli 1:1
Fabbian, 2 – Qyasi, 4. (25960)
Bolonya: Skorupski, Miranda, Beukema, Lukumi (De Silvestri, 83), Poş, Moro (Ebişer, 54), Fröyler, Karlsson (Odqor, 54), Fabbian (Dallinqa, 65), Orsolini (Urbanski, 82), Kastro.
Napoli – Parma 2:1
Lukaku, 90+2. Zambo Angissa, 90+7 – Bonni, 19-p. (45000)
Napoli: Meret, Olivera (Spinatsola, 46), Buoncorno, Rrahmani, Matsokki (Simeone, 78), Di Lorentso, Zambo Angissa, Lobotka, Kvaratsxeliya, Politano (Neres, 70), Raspadori (Lukaku, 63).
Fiorentina Montsa 2:2
Ken, 45. Qosens, 90+6 – Curiç, 18. Maldini, 35. (18376)
Fiorentina: P.Terraçano, Komutso (Lukas Martines, 80), Biraqi, Ranyeri, Qosens, Kataldi (İkone, 68), Mandraqora (Bove, 58), Dodo, Beltran (Kuame, 58), Kolpani (Adli, 68), Ken.
Yuventus – Roma 0:0
(41375)
Yuventus: Di Qreqorio, Kabal (Koopmeyners, 46), Bremer, Qatti, Savona, Facoli (Duqlas Luis, 67), Lokatelli (Makkenni, 67), Mbanqula (Konseysao, 46), Kambyaso, Yıldız, Vlahoviç (Qonsales, 83).
Roma: Svilar, Anxelinyo, Ndika, Mançini, Çelik, Kristante, Pisilli (Kone, 72), Salemakers (Zalevski, 62), Lorentso Pelleqrini (Şomurodov, 82), Sule (Dibala, 62), Dovbik (Baldantsi, 62).
Venetsiya – Torino 0:1
Koko, 86. (10652)
Leççe – Kalyari 1:0
Krstoviç, 56. (26386)
Cenoa – Verona 0:2
Çaçua, 55. Tenqstedt, 64-p. (30747)
Udineze – Komo 1:0
Brenner, 43. (20804)

1. İnter 3 2 1 0 8-2 7
2. Yuventus 3 2 1 0 6-0 7
3. Torino 3 2 1 0 5-3 7
4. Udineze 3 2 1 0 4-2 7
5. Verona 3 2 0 1 5-3 6
6. Napoli 3 2 0 1 5-4 6
7. Empoli 3 1 2 0 3-2 5
8. Latsio 3 1 1 1 6-5 4
9. Parma 3 1 1 1 4-4 4
10. Cenoa 3 1 1 1 3-4 4
11. Fiorentina 3 0 3 0 3-3 3
12. Atalanta 3 1 0 2 5-6 3
13. Leççe 3 1 0 2 1-6 3
14. Milan 3 0 2 1 5-6 2
15. Montsa 3 0 2 1 2-3 2
16. Roma 3 0 2 1 1-2 2
17. Kalyari 3 0 2 1 1-2 2
18. Bolonya 3 0 2 1 2-5 2
19. Venetsiya 3 0 1 2 1-4 1
20. Komo 3 0 1 2 1-5 1

Bombardirlər: Türam (İnter) – 4, Retegi (Atalanta) – 3.
Növbəti turun oyunları sentyabrın 14-16-sı aralığında keçiriləcək: Komo – Bolonya, Empoli - Yuventus, Milan – Venetsiya, Cenoa - Roma, Atalanta - Fiorentina, Torino - Leççe, Kalyari - Napoli, Montsa – İnter, Parma – Udineze, Latsio - Verona.

B SERİYASI
3-cü tur: Bari - Sassuolo 1:1, Karrareze - Züdtirol 2:0, Çittadella - Piza 1:1, Kremoneze - Palermo 0:1, Frozinone - Modena 1:1, Reccana - Breşia 2:0, Salernitana - Sampdoriya 3:2, Çezena - Katanzaro 2:0, Kozentsa – Spetsiya 0:0, Yuve Stabia - Mantova 1:0.
4-cü tur: Sampdoriya - Bari 0:0, Modena – Çittadella 0:1, Piza - Reccana 2:1, Sassuolo – Kremoneze 1:4, Züdtirol – Breşia 3:2, Katanzaro - Karrareze 3:1, Frozinone - Yuve Stabia 0:0, Mantova - Salernitana 1:0, Palermo - Kozentsa 1:1, Spetsiya - Çezena 2:1.

1. Piza 4 2 2 0 7-4 8
2. Yuve Stabia 4 2 2 0 4-1 8
3. Spetsiya 4 2 2 0 6-4 8
4. Reccana 4 2 1 1 6-4 7
5. Mantova 4 2 1 1 6-5 7
6. Çittadella 4 2 1 1 4-3 7
7. Kremoneze 4 2 0 2 5-3 6
8. Çezena 4 2 0 2 6-5 6
9. Salernitana 4 2 0 2 7-7 6
10. Züdtirol 4 2 0 2 6-7 6
11. Breşia 4 2 0 2 3-4 6
12. Katanzaro 4 1 2 1 4-4 5
13. Sassuolo 4 1 2 1 5-7 5
14. Modena 4 1 1 2 4-5 4
15. Palermo 4 1 1 2 2-4 4
16. Frozinone 4 0 3 1 4-5 3
17. Karrareze 4 1 0 3 4-6 3
18. Sampdoriya 4 0 2 2 4-6 2
19. Bari 4 0 2 2 3-6 2
20. Kozentsa (-4) 4 1 2 1 4-4 1

Turun rəqəmi
6 – “Atalanta” bu dəfə də “İnter”dən xal ala bilmədi. Berqamolular bu rəqibə ardıcıl 6-cı dəfə uduzdular. Maraqlıdı ki, “İnter” bu il fevralın 28-də də evdə “Atalanta”nın qapısından 4 cavabsız top keçirmişdi.

Turun ulduzu
Markus Türam (İnter) – fransalı hücumçu yeni mövsümün əvvəlində əla formada olduğunu bir daha göstərdi. Türam “Atalanta” ilə matçda hesabın açılmasında yaxından iştirak etdi: Cimşiti məhz onun zərbəsindən sonra topu öz qapısına yönəltdi. Markus 2-ci hissədə dubl etməklə heç də zəif sayılmayan rəqibin darmadağınında rol oynadı. 27 yaşlı hücumçu 4 qolla bombardirlərin siyahısında liderliyi ələ aldı.

Turun sitatı
Romelu Lukaku, “Napoli”nin hücumçusu: