“Qaradağ Lökbatan” futbol üzrə ölkə çempionatının 1-ci liqasında yeni mövsümə uğursuz başlayıb.

Azər Həşimovun komandası ötən həftə “Karvan”ın meydanından məğlub ayrıldısa (0:1), dünən “doğma divarlar” arasında “Qəbələ”yə böyük hesabla uduzdu – 0:5. Təbii ki, lökbatanlılar turnir cədvəlinin sonuncu pilləsindədi. Xoşagəlməz durum baş məşqçinin istefa verdiyi haqda iddiaların ortaya atılmasıyla nəticələnib.

Bəs xəbərlər nə dərəcədə doğrudu? Bu məsələylə bağlı Azər Həşimovla əlaqə saxladıq. O, “Football-plus.az”a açıqlamasında vəzifəsinə davam edəcəyini dedi.

Qeyd edək ki, “Qaradağ Lökbatan” sentyabrın 26-da “Zaqatala”nın qonağı olacaq.

KƏNAN BAHADIR