“Qaradag Lökbatan” ev oyunlarını Qəbələdə keçirəcəkdi? – gizli qalan məsələlər açıqlandı
Bilindiyi kimi, 1-ci liqanın çempionu “Şamaxı” oldu.
Bir necə tur əvvələ qayıtsaq, yəqin ki, əksəriyyət “şirlər”in yox, “Qaradağ Lökbatan”n qalib olacağına inanırdı. Azər Həşimovun komandası 26-cı turda əsas rəqibi “Şamaxı”ya uduzmaqla premyer-liqa xəyallarının üstündən xətt çəkdi. Bəziləri “Qaradağ Lökbatan”ın növbəti mövsüm qonaqları məhz Şamaxı stadionunda qəbul edəcəyini iddia edirdi. Belədə “Qaradağ Lökbatan”ın hansı stadionla danışdığı, işlərin hansı mərhələdə olduğu naməlum qaldı. Bəs lökbatanlılar elitaya yüksələcəyi təqdirdə ev oyunlarını harda keçirəcəkdi?
Bununla bağlı “Qaradağ Lökbatan”ın direktoru Bəbir Məmmədova müraciət etdik. O, “Football-plus.az”a açıqlamasında gerçəkləşməyən planlar haqda bunları dedi:
“Gözləyirdik ki, çempion olaq, alınmadı. Bu futboldu və bəzən belə gözlənilməz hallar olur. Xeyirlisi olsun. Tam hazırlıqlıydıq. Lisenziya məsələlərimizi həll etmiş, stadionla bağlı da danışmışdıq. “Qəbələ” ilə razılığa gəlmişdik. Çempion olsaydıq, rəsmi məlumat verəcəkdik. Təəssüf ki, qismət olmadı. Həlledici oyuna qədər hər şey qaydasındaydı. Çox inanırdıq, amma belə nəticələndi”.
RÖYANƏ OĞUZ
