Krosbi Qretski – Oveçkin rəqabəti haqda danışdı
“Pittsburq”un forvardı Sidni Krosbi “Vaşinqton”un hücumçusu Aleksandr Oveçkinin Ueyn Qretskinin MHL-də qol sayına görə rekordunu qırmaq cəhdi haqda danışıb:
“Belə zəngin tarixə malik liqada oynamaq, Aleksin keçilməz görünən rekorda çatmaq istəyini görmək mənim üçün çox xoşdu. Oveçkin inanılmaz iş görür. Mən də bu tarixin müasiri, bu liqanın bir parçası olduğuma görə sevinirəm”.
Xatırladaq ki, rusiyalı hücumçu MHL-in müntəzəm çempionatında qol sayına (853) görə 2-ci pillədə qərarlaşıb. Bu göstəricidə rekordçu isə Ueyn Qretskidi (894).
38 yaşlı forvard 2023/24 mövsümündə müntəzəm çempionatda keçirdiyi 79 oyunda 31 qol vurub, 34 məhsuldad ötürmə verib. Amma “Kepitalz”ın kapitanı pley-offda keçirdiyi 4 oyunda məhsuldar hərəkətlə yadda qalmayıb. MHL-də yeni mövsümün oktyabrın 4-də start götürəcəyini də xatırladaq.
