Srağagün və dünən keçirilən oyunlarla bağlı üç maraqlı statistik məqam var.

“Football-plus.az” xəbər verir ki, “Pittsburq”un “Monreal”la səfər oyununun taleyini bullit seriyası həll etdi – 4:3. Həlledici qolu forvard Yansen Harkins vurdu. Cari mövsümdəki ən uzun oyunsonrası bullit seriyası reallaşdı. Komandalar birlikdə 12 atış həyata keçirdi. “Pittsburq”un forvardı Sidni Krosbi bu oyunda dubl etdi və bir məhsuldar ötürmə verdi. 36 yaşlı kanadalı MHL karyerası boyunca 1533 xal toplayıb – 567 qol vurub, 966 məhsuldar ötürmə verib. Mark Rekkiyə çatan Krosbi MHL tarixinin bombardirləri siyahısında 13-cü yerə çıxdı. Fəaliyyətdə olan oyunçular arasında Krosbinin ən yaxın izləyicisi “Vaşinqton”un rusiyalı hücumçusu Aleksandr Oveçkidi. O, MHL karyerası boyunca 1501 (827+674) xal toplayıb. Dəfələrlə xatırlatdığımız kimi, xal sayına görə rekordçu Krosbinin həmvətəni Ueyn Qretskidi - 2857 (894+1963).

Oveçkin dünən “Filadelfiya” ilə oyunda da fərqlənə bilmədi. Qolsuz oyunlar seriyasını 11-ə çatdıran 38 yaşlı rusiyalı karyerasının antirekordunu müəyyənləşdirdi. Bu göstəricidə əvvəlki antirekord 10 oyuna bərabər idi və 2017-nin martında qeydə alınmışdı. Ovinin cari mövsümdə keçirdiyi 26 oyunda cəmi 5 qol və 11 məhsuldar ötürmə ilə yadda qaldığını xatırladaq.

14 dekabr
Monreal – Pittsburq 3:4 Б (3:1, 0:2, 0:0, 0:0, 0:1)
Aylenders – Anahaym 4:3 (0:0, 2:2, 2:1, 0:0)
Nyu-Cersi – Boston 2:1 ОТ (0:1, 0:0, 1:0, 1:0)
Kolorado – Baffalo 5:1 (3:1, 0:0, 2:0)
Los-Anceles – Vinnipeq 2:5 (2:0, 0:3, 0:2)
15 dekabr
Toronto – Kolambus 5:6 ОТ (0:2, 0:3, 5:0, 0:1)
Filadelfiya – Vaşinqton 4:3 Б (0:0, 1:2, 2:1, 0:0, 1:0)
Detroyt – Karolina 1:2 (0:1, 1:1, 0:0)
Minnesota – Kalqari 3:2 Б (1:0, 0:1, 1:1, 0:0, 1:0)
Sent-Luis – Ottava 4:2 (1:0, 2:1, 1:1)
Edmonton – Tampa-Bey 4:7 (0:2, 3:0, 1:5)
Vankuver – Florida 4:0 (2:0, 2:0, 0:0)
Sietl – Çikaqo 7:1 (2:0, 3:1, 2:0)