Karberi Oveçkinin Qretskiyə çatacağına əmindi
“Vaşinqton”un baş məşqçisi Spenser Karberi əmindi ki, komandanın rusiyalı kapitanı Aleksanr Oveçkin gələn mövsüm Ueyn Qretskinin MHL-də qol sayına görə rekordunu yeniləyə biləcək:
“Ovinin buna qadir olduğuna tam əminəm. Zərbələr zamanı düzgün mövqe seçərsə. Bunu bacaracağına isə əminəm. Necə istedadlı snayper olduğunu nəzərə alsaq, 42 qol vurmağa qadirdi”.
38 yaşlı hücumçu ötən mövsüm “Vaşinqton”un heyətində müntəzəm çempionatda keçirdiyi 79 oyunda 31 qol vurub, 34 məhsuldar ötürmə verib. “Kepitalz”ın kapitanı pley-offda keçirdiyiv 4 oyunda heç bir məhsuldar hərəkətlə yadda qalmayıb. Müntəzəm çempionatda indiyə qədər 853 qol vuran rusiyalı ulduz rekordçu Ueyn Qretskini (894) ötmək üçün daha 42 dəfə fərqlənməlidi.
“Vaşinqton”un forvardı Dilan Stroum da Oveçkinin növbəti mövsümdə məlum rekordu qıracağına əmindi:
“Mən də belə düşünürəm. Onun 40 və daha çox qol vurduğu mövsümlərin sayı 40-dan az qol vurduğu mövsümlərlə müqayisədə çoxdu. Ötən il də ilk 40 oyundan sonra hər kəs Oveçkini hesabdan silmişdi. Amma mövsümün ikinci hissəsində sıçrayış etdi. Odu ki, ötən mövsümün 2-ci yarısında gördüyümüz Ovidən çox şey gözləyirəm. Hamımız bunu gözləyirik, hamımız buna hazırıq. Əlbəttə, mən də ona ötürmə verməyə çalışacam”.
Digər xəbərlər
