İtaliya çempionatının A seriyasında avqustun ən yaxşıları müəyyənləşib. İki nominasiya üzrə qalib adını fərqli klubların üzvləri qazanıblar.


“Ayın ən yaxşı oyunçusu” nominasiyanın qalibi “İnter”in hücumçusu Markus Türam olub. Turnirin saytının məlumatına görə, 27 yaşlı futbolçu mükafat uğrunda mübarizədə Saul Koko (Torino), Xviça Kvaratsxeliya (Napoli), Dennis Man (Parma), Mateo Retegi (Atalanta) və Duşan Vlahoviçi (Yuventus) qabaqlayıb. Türam ötən ay İtaliya çempionatında 3 oyuna çıxıb və 4 qol vurub.

A seriyasında avqustun ən yaxşı məşqçisi üçün nəzərdə tutulan mükafata isə Paolo Vanoli sahib çıxıb. Onun çalışdırdığı “Torino”ilk 3 turdan sonra 7 xal toplayıb və əlavə göstəricilərə görə “Yuventus” və “İnter”dən geri qalaraq 3-cü yeri tuturdu.

Xatırladaq ki, Vanoli Turin klubuna bu yay baş məşqçi təyin olunub.