İngiltərə çempionatında avqustun ən yaxşları müəyyənləşib.

"Football-plus.az" xəbər verir ki, hər iki nominasiya üzrə qalib adını bir klubun üzvləri qazanıb.

Premyer-Liqanın saytının məlumatına görə, Ceyms Meddison ötən ayın ən yaxşı oyunçusu seçilib. “Tottenhem”in yarımmüdafiəçisi ötən ay premyer-liqada 3 oyunda meydana çıxıb, 1 qol vurub və 2 məhsuldar ötürmə edib. 26 yaşlı Meddisonun “Tottenhem”də ilk mövsümünü keçirdiyini də qeyd edək.
Avqustun ən yaxşı məşqçisi üçün nəzərdə tutulan mükafata isə Angelos Postekoğlu sahib çıxıb. Onun çalışdırdığı “Tottenhem” keçən ay çempionatda keçirdiyi 3 oyunda 7 xal qazanıb. Paytaxt komandası “Mançester Yunayted”i və “Bornmut”u 2:0 hesabıyla məğlub edib, “Brentford” ilə heç-heçəyə razılaşıb – 2:2.