Türkiyədə transfer dönəminin ən diqqətçəkən komandalarından olan ''Fənərbaxça''da son gündə daha bir futbolçu ayrıldısa, bir futbolçu da məcburi olaraq komandada qaldı.

Klubdan verilən açıqlamada Sərdar Əzizin hələ iyulun 8-dən etibarən toplanışdan ayrıldığı və özünə yeni klub tapacağı qeyd olunmuşdu. Eyni zamanda təcrübəli müdafiəçinin Joze Mourinyonun planlarına daxil olmadığı vurğulanmışdı. Amma Sərdar 2 ay ərzində özünə yeni klub tapa bilmədi. 3-4 ciddi təklif almasına baxmayaraq bunların heç birini qəbul etmədi. Ona görə də 33 yaşlı futbolçu ''Fənər''də qaldı. Onun müqaviləsi gələn yay başa çatacaq.

2019-un yanvarından ''sarı-lacivərdlilər''in şərəfini qoruyan Əziz indiyə qədər 135 rəsmi oyunda 11 qol, 6 məhsuldar ötürmə ilə fərqlənib. Ayrılan futbolçu isə Əmrə Mordu. Hazırlıq dönəmində Mourinyonun gözünə girə bilməyən 27 yaşlı vinger qarşıdakı mövsümü icarə əsasında ''Eyüpspor''da keçirəcək.

Maraqlıdı ki, ''Fənər'' bu oyunçunu icarəyə göndərmədən öncə onun müqaviləsini yeniləyib. Belə ki, Əmrə Morun müqavilə müddəti 2025-dən 2026-ya qədər uzadılıb. 2022-dən İstanbul nəhənginə məxsus olan və ötən mövsümün ikinci dövrəsini icarə əsasında ''Fatih Karagümrük''də keçirən Əmrə indiyə qədər ''Fənər''də 49 oyunda 6 qol, 5 məhsuldar ötürməlik performans sərgiləyib.

ƏLİ