İngiltərə yığması Millətlər Liqasının yeni mövsümünə yetərincə inamlı qələbə ilə başladı.

“Üç şir” Qaret Qautqeytin uzunmüddətli hakimiyyətindən sonra “sükan arxasına” keçən Li Karslinin rəhbərliyi altında ilk rəsmi oyuna çıxmışdı. Bu komandalar arasındakı tarixi rəqabəti nəzərə alsaq, əlbəttə, hər kəs İrlandiya yığmasından daha ciddi müqavimət gözləyirdi. Amma yalnız oyunun əvvəlində meydan sahibləri az-çox rəqabət apara bildi, sakitcə təzyiqə davam gətirən ingilislər ardından oyunun axarına total nəzarəti ələ keçirdilər.

İrlandiya yığması hətta pressinq də etmirdi. Meydan sahibləri passiv şəkildə yer dəyişir, sadəcə, ingilislərin topu meydanda necə dığırlatmasını müşahidə edirdilər. Və belə laqeydlik irlandiyalılara baha başa gəldi. Artıq 11-ci dəqiqədə Rays hesabı açdı, hissənin ortalarında isə Qriliş məhz onun ötürməsindən sonra fərqi artırdı. Oyunun qalan dəqiqələrində də ingilislərin daha çox qol vurmaq üçün saysız-hesabsız imkanı var idi. Məsələn, Keyn hədsiz çox imkanı əldən verdi. İrlandiyalılar yalnız 2-ci hissənin ortalarında canlanmağa başladılar. Bəlkə də belə demək daha doğru olar: meydan sahibi olduqlarını anladılar. Amma onların fəallaşması, sadəcə. meydanda bərabər səviyyəli oyun getməsini şərtləndirdi, başqa bir ciddi hadisəyə səbəb olmadı. Hətta oyunun belə axarı fonunda da ingilislərin qol vurmaq şansı rəqiblə müqayisədə daha çox idi.

Bəlkə də Millətlər Liqasında B divizionuna heç vaxt belə yüksək maraq olmayıb. Ancaq İngiltərə yığması A liqası ilə vidalaşıb və aşağı yuvarlanıb. Digər tərəfdən, artıq Sauqeytin “sükan arxasında” olmamasını də nəzərə almaq lazımdı. Onun oyun üslubu praqmatizm, ehtiyatlılıq və sönüklük ifadələrinə tam uyğun gəlir. Baş məşqçinin səlahiyyətlərinin daşıyıcısı Karsli isə tam fərqli mütəxəssisdi. Onun əvvəllər rəhbərlik etdiyi, heyətində Palmer, Qordon və Koluillin də olduğu gənclər yığması çox parlaq oyun sərgiləyirdi, ötən il gənclər arasında Avropa çempionu olub. 50 yaşlı mütəxəssis Fodeni də hələ MS-nin yeniyetmələrdən ibarət komandasında olarkən çalışdırıb.

Əlbəttə, söhbət İrlandiya – İngiltərə oyunundan gedirsə, başqa məqama da diqqət yetirməliyik. Karslinin vaxtilə İrlandiya yığmasının heyətində müntəzəm meydana çıxdığə Dublindəki qarşılaşma ingiltərəli azarkeşlərə xoş təsir bağışadı. Qriliş start heyətində, Aleksander-Arnold sevimli mövqeyində - müdafiənin sağında, üstəlik meydanda açıq və şən futbol gedir...

Bu oyunla bağlı bir məqamın da üzərində dayanmağa dəyər. Sautqeytin yığmasından fərqli bu yığma hesabı açandan sonra da tempi aşağı salmadı. Əksinə, qol vurmaq üçün çalışdı. Əksinə, qonaqlar daha bir gözəl kombinasiya nəticəsində fərqi artırdılar. Nə qədər təzadlı olsa da, hər iki qol İrlandiya mənşəli futbolçuların hesabındadı. Həm Qriliş, həm də nümayişkaranə şəkildə vurduğu qolu qeyd etməyən Rays vaxtilə İrlandiyanın müxtəlif yaş qrupu üzrə yığmalarının şərəfini qoruyub. “Arsenal”ın xabveki hətta üç dəfə İrlandiyanın əsas yığmasının heyətində yoldaşlıq oyunlarında da görünüb.

Yuxarıda da vurğuladığımız kimi, İngiltərə yığması daha çox qol vura bilərdi. Sadəcə, meydan sahiblərinin qapıçısı Kelleher yetərincə inamlı təsir bağışladı. Belə qələbədən sonra hər kəsi düşündürən sual budu: doğrudanmı, İngiltərə yığmasına Xosep Qvardiola lazımdı. Təbii ki, Karslinin komandasının parlaq qələbəsi ispaniyalı mütəxəssisi yığmada görmək istəyən azarkeşlərin, futbol ictimaiyyətinin sıralarını seyrəldəcək. İstənilən halda, bir oyun əsasında qiymət vermək çətindi. İngiltərə bu qrupdan lider kimi çıxacağı təqdirdə bəlkə də bu komandanı gözləyən hansısa xoş perspektivdən danışmaq olar.

Qrupun digər oyununda Yunanıstan Finlandiyanı qəbul etdi. Etiraf etmək lazımdı ki, qonaqlar oyunun əvvəlində daha yaxşı təsir bağışladı, hətta yunan azarkeşlər öz yığmalarını fitə basmağa başlamışdı. Ancaq təcrübəli Qradetski hər şeyi korladı. Qonaqların qapıçısı və kapitanı əvvəlcə sadə ötürmənin qarşısını ala bilməyərək İoannidisə qol “bağışladı”. Bu qol yunanların üzərindən gərginliyi atdı. Tezliklə yaxınlarda PAOK-u “Volfsburq”a dəyişən müdafiəçi-bombardir Kulierakisin təzyiqi altında Kelman topu öz qapısına göndərdi. İoannidisin bu oyundakı ikinci qolu isə Yunanıstan yığmasını qrupda zirvəyə daşıdı.

B liqası, 2-ci qrup
1-ci tur
İrlandiya – İngiltərə 0:2 (0:2)
İrlandiya: Kelleher, Bredi (Ferqyuson, 82), O”Şi, Kollinz, Koulmen (O”Brayen, 57), Şmodiks, Smollboun (Braun, 75), Molumbi, Doherti (Nayt, 57), İda (Maketir, 75), Oqbene.
İngiltərə: Pikford, Koluill, Qehi, Maquayr (Stounz, 84), Aleksander-Arnold, Qriliş (Gibbs-Uayt, 77), Rays, Maynu (Qomes, 77), Qordon (Eze, 77), Keyn (Bouen, 84), Saka.
Qollar: Rays, 11 (0:1). Qriliş, 26 (0:2).
Vərəqələr: Maynu, 13. Şmodiks, 44. Molambi, 64. Bredi, 68. Koluill, 76. O”Brayen, 77 – sarı.
Hakim: Xose Mariya Sançes Martines (İspaniya).
7 sentyabr. Dublin. 55359 tamaşaçı.

Yunanıstan – Finlandiya 3:0 (2:0)
Yunanıstan: Vlahodimos, Kulierakis, Mavropanos, Rota, Simikas, Buhalakis (Zafeyris, 65), Pelkas, Mantolas (Siopis, 65), İoannidis (Vayannidis, 77), Bakasetas (Pavlidis, 77), Hadziyovanis (Konstantelias, 48).
Finlandiya: Qradetski, Peltola, İvanov, Hoskonen, Ştol, Qalves, Kamara (Valta, 82), Lod (Yensen, 62), Şüller (Nissilya, 44), Antman (Keskinen, 62), Kelman (Pohyanpalo, 62).
Qollar: İoannidis, 23 (1:0). Kelman, 37-öz qapısına (2:0). İoannidis, 76 (3:0).
Vərəqələr: Kelman, 25. Kulierakis, 50. Konstantelias, 66. Zafeyris, 90+3. Peltola, 90+4 - sarı.
Hakim: Urs Şnayder (İsveçrə).
7 sentyabr. Afina. 17293 tamaşaçı.
10 sentyabr: İngiltərə - Finlandiya, İrlandiya – Yunanıstan.

Reaksiyalar
Li Karsli, İngiltərə yığmasının baş məşqçisi: