Artıq 3-cü turdan sonra hazırkı çempion PSJ təkbaşına liderlik edir.

Parislilər Fransanın ÇL-dəki digər təmsilçisi “Lill” üzərində səfərdə qələbə qazandı. Luis Enrikenin komandası dərhal təşəbbüsü ələ keçirərək fasiləyə qədər iki qol vurdu. Jeqrova 78-ci dəqiqədə qollardan birinin əvəzini çıxmaqla intriqanı bərpa etdi. Bundan sonra “şimallı itlər” böyük qüvvə ilə irəli atıldı. Belədə Kolo Muani daha bir qol vurmaqla oyunun taleyini həll etdi.

PSJ-dən sonrakı mövqelərdə hərəyə 7 xal toplayan “Marsel”, “Lans”, “Nant” və “Monako” qərarlaşıb. Roberto De Zerbinin çalışdırdığı marsellilər mövsümə yaxşı başlayıb. Bu mənada onların “Tuluza” üzərindəki səfər qələbəsi təəccüb doğurmadı. MY-nin bəyənmədiyi Qrinvud ilk 17 dəqiqədə iki qol vurdu. Kressuell 52-ci dəqiqədə “qapıların yerini səhv salanda” isə qalibin kimliyinə heç bir şübhə yeri qalmadı.

“Monako” – “Lans” oyununa da “mərkəzi” təyinini “yapışdırmaq” olardı. Son iki mövsümün vitse-çempionlarının qarşılaşmasında iki qol vuruldu. Zakariya 84-cü dəqiqədə “knyazlar”ı irəli çıxarsa da, 90+3-cü dəqiqədə məhz onun əlinə dəyən topa görə penalti təyin olundu və qonaqlar məğlubiyyətdən qaçdı.

“Nant” səfərdə “Monpelye”ni məğlub etdi. “Qarabağ”ın Avropa Liqasının əsas mərhələsindəki rəqibi “Lion” ardıcıl iki məğlubiyyətdən sonra evdə “Strasbur”un öhdəsindən gəldi. 7 qolun vurulduğu oyunda “şirlər”in köməyinə Orban çatdı. Sonradan oyuna qoşulan nigeriyalı hücumçu 9 dəqiqə ərzində iki qol vurdu.

Turun qalan oyunlarına gəlincə, “Brest” və “Nitsa” rəqiblərini – “Sent-Etyen”lə “Anje”ni darmadağın etdi. “Reyms” evdə “Renn” üzərində əzmkar qələbə qazandı. “Havr” “Oser”lə oyundan qələbə ilə ayrıldı.

3-cü tur
Lill – PSJ 1:3
Jeqrova, 78 – Vitinya, 33-p. Barkola, 36. Kolo Muani, 90+2. (45434)
Lill: Şevalye, Aleksandro, Mandi (Menye, 66), Diakite, Qudmundsson, Qomes (Mukau, 46), Andre, Santuş (Kabella, 85), Haraldsson (Sahrau, 46), Jeqrova, Bayo (Devid, 66).
PSJ: Donnarumma, Beraldo, Paço, Markinyos, Hakimi (Mayulu, 84), Neveş (Ruis, 65), Vitinya, Zair-Emeri, Barkola (Li Kan İn, 74), Dembele (Kolo Muani, 74), Asensio (Due, 65).
Monako – Lans 1:1
Zakariya, 84 – Frankovski, 90+3-p. (9030)
Monako: Kyon, Uattara (Enrike, 66), Mavissa Elebi (Qolovin, 82), Sinqo, Teze (Vanderson, 46), Zakariya, Maqassa, Ben Seqir (İlenihena, 65), Minamino, Akliuş, Baloqun (Embolo, 65).
Brest – Sent-Etyen 4:0
Kamara, 10. Del Kastilyo, 32-p. Ajork, 78. Lala, 84-p. (14885)
Brest: Bizot, Amavi (Zoqbe, 74), Le Kardinal (Kulibali, 74), Şardonne, Lala, Fevr (Pereyra Laqe, 74), Maqnetti, Kamara, Sima (Marten, 67), Del Kastilyo (Kamblan, 85), Ajork.
Tuluza – Marsel 1:3
Babika, 90 – Qrinvud, 16; 17. Kressuell, 52-öz qapısına. (19178)
Lion – Strasbur 4:3
Tolisso, 45+2. Meytlend-Nayls, 61. Orban, 63; 72 – Nanasi, 2. Santos, 48. Emeqha, 58. (43805)
Monpelye – Nant 1:3
Adams, 30 – Ablin, 24. Simon, 45+6-p. Məhəmməd, 85. (13000)
Anje – Nitsa 1:4
Abdelli, 67-p. – Ndaişimay, 6. Budaui, 25. Gessand, 72; 85. (9168)
Havr – Oser 3:1
Ovusu, 23-öz qapısına. Ndiay, 52. Ture, 90+6-p. – Perren, 17. (19175)
Reyms – Renn 2:1
İto, 41. Diakite, 48 – Estiqor, 13. (12856)

1. PSJ 3 3 0 0 13-2 9
2. Marsel 3 2 1 0 10-4 7
3. Nant 3 2 1 0 5-1 7
4. Lans 3 2 1 0 4-1 7
5. Monako 3 2 1 0 4-1 7
6. Lill 3 2 0 1 5-3 6
7. Havr 3 2 0 1 6-5 6
8. Nitsa 3 1 1 1 6-4 4
9. Strasbur 3 1 1 1 7-6 4
10. Reyms 3 1 1 1 4-5 4
11. Renn 3 1 0 2 5-5 3
12. Brest 3 1 0 2 5-7 3
13. Oser 3 1 0 2 3-6 3
14. Lion 3 1 0 2 4-8 3
15. Tuluza 3 0 2 1 2-4 2
16. Monpelye 3 0 1 2 2-10 1
17. Anje 3 0 0 3 1-7 0
18. Sent-Etyen 3 0 0 3 0-7 0

Bombardirlər: Qrinvud (Marsel) – 5, Barkola (PSJ) – 4.
Növbəti turun oyunları sentyabrın 13-15-i aralığında keçiriləcək: Renn – Monpelye, Lans – Lion, Nant – Reyms, Tuluza – Havr, Strasbur – Anje, Sent-Etyen – Lill, Marsel – Nitsa, PSJ – Brest, Oser – Monako.

Turun rəqəmi
13 – PSJ üç turdan sonra bu qədər qol vurmağı bacarıb. Bu göstəricidə son 50 ilin rekordu (2022/23 17 qol) da paytaxt klubuna məxsusdu.

Turun ulduzu
Meyson Qrinvud (Marsel) – Fransada inanılmaz yüksək məhsuldarlıq sərgiləyir. MY-yə lazım olmayandan sonra yollandığı “Xetafe”də ötən mövsüm keçirdiyi 33 oyunda 8 qol vuran ingiltərəli hücumçu “Marsel”in heyətində artıq 5 dəfə fərqlənib. Onunla braziliyalı yarımmüdafiəçi Luis Enrike arasındakı ideal anlaşma “Marsel”in qələbələrinin təməlidi.

Turun sitatı
Adi Hütter, “Monako”nun baş məşqçisi:

Fakt
Qrinvud Fransa çempionatında son 50 mövsümdə ilk üç oyunda 5 qol vura bilən 2-ci futbolçudu. 2016-cı ildə Mario Balotelli (Nitsa) də eyni nəticəni göstərmişdi.