A seriyasının 30-cu turu İtaliyada Pasxa bayramına görə iki gündə - martın 30-da və aprelin 1-də keçirildi.

"Football-plus.az" xəbər verir ki, bazar ertəsi yekun vurulan turda “İnter” çempionluq yolunda daha bir addım atdı. Qeydə alınan nəticələrdən sonra avrokuboklara vəsiqələr uğrunda mübarizə daha da gərginləşdi.

Liqanın şəksiz lideri əvvəlki turda “Napoli” ilə evdə heç-heçə (1:1) oynamaqla çempionatda qələbə seriyasını 11-ə çatdıra bilməmişdi. Milanlıların “Empoli”yə qarşı matçda büdrəmək ehtimalı minimuma bərabər idi. Proqnoz doğruldu: Simone İnzaqinin komandası hər hissədə bir cavabsız qol vurmaqla qalib gəldi. Lider bu il A seriyasında keçirdiyi 12-ci oyununda 11-ci qələbəsini qazandı. Çempionatda artıq 24 oyundu (20 qələbə, 4 heç-heçə) uduzmayan “İnter”in əsas izləyicisi “Milan”la xal fərqi 14-ə bərabərdi. Bir faktı da qeyd edək. İnzaqinin komandası finişə 8 tur qalmış Çempionlar Liqasının (ÇL) gələn mövsümündə iştirakını rəsmiləşdirdi. “İnter” qitənin 5 aparıcı liqasında buna nail olan ikinci komandadı. Xatırladaq ki, Almaniya çempionatında inamla liderlik edən “Bayer-04” martın 30-da ÇL-in növbəti mövsümündə oynamaq hüququ qazanmışdı.

Əsas izləyicisi “Yuventus”un növbəti xal itkisindən maksimum yararlandı. Gözlənildiyi kimi, “Bolonya” evdə “Salernitana”nı məğlub etməkdə çətinlik çəkmədi. Autsayderə üç cavabsız qol vuran Tyaqo Mottanın komandası əsas hədəfə bir qədər də yaxınlaşdı. “Göy-qırmızılar” ÇL-ə sonuncu vəsiqəni verən 4-cü yerdəki mövqeyini bir qədər də möhkəmləndirdi. “Bolonya” artıq 3-cü yerdəki “Yuventus”dan yalnız 2 xal geri qalır.

Hesabat turu paytaxt komandaları üçün fərqli alındı. “Latsio” yeni baş məşqçi ilə evdə “Yuventus”a qalib gəlmişdisə, “Roma” Leççe səfərində büdrədi. Zədəsini yenicə sağaldan Dibalanın start heyətində yoxluğu qonaqların hücumda çətinliklərlə üzləşməsinə səbəb oldu. “Canavarlar” ilk dəqiqələrdən ev sahiblərinin aramsız hücumları ilə üzləşdilər. Luka Qottinin baş məşqçi vəzifəsinə təyinatından sonra “Leççe”də oyun planında dirçəliş açıq-aydın hiss olunur. Cənublular matç ərzində qapıya təxminən 30 zərbə endirdi. Bu səbəbdən Sviların işi çox çətin oldu. Amma o, qapısına yönələn bütün zərbələri dəf etməklə komandasına xal qazandırdı. Bir xal “Roma”nın 5-ci yerdəki mövqeyini dəyişmədi. Amma Daniele De Rossinin komandası ÇL-ə vəsiqə uğrunda mübarizədə əsas rəqiblərdən sayılan “Bolonya”dan 5 xal geri düşdü. Əlavə edək ki, “Roma” növbəti turda əzəli rəqibi “Latsio” ilə qarşılaşacaq.

30-cu tur
İnter – Empoli 2:0
Dimarko, 6. Sançes, 81. (71551)
İnter: Audero, A.Bastoni (Dyumfris, 77), Açerbi, Pavar, Dimarko (Auqusto, 69), Darmian, Mxitaryan (Frattezi, 84), Barella, Çalhanoğlu (Asllani, 69), Türam, Lautaro Martines (Sançes, 77).
Bolonya – Salernitana 3:0
Orsolini, 14. Salemakers, 44. Likoyannis, 90+2. (27255)
Bolonya: Ravalya, Likoyannis, Kalafyori, Lukumi, Poş (De Silvestri, 83), Ebişer, Fröyler (Urbanski, 74), Salemakers, Ferqyuson (Fabbian, 74), Orsolini (Zirkzee, 64), Odqor (Ndoye, 64).
Leççe – Roma 0:0
(29031).
Roma: Svilar, Anxelinyo, Ndika (Höysen, 46), Mançini, Karsdorp (Çelik, 84), Bove (Auar, 84), Paredes, Kristante, Zalevski (Əl-Şaaravi, 64), Baldantsi (Dibala, 84), Lukaku.
Turun digər oyunlarının nəticələri: Napoli – Atalanta 0:3 (Mirançuk, 26. Skamakka, 45. Koopmeyners, 88. 50000), Latsio – Yuventus 1:0 (Maruşiç, 90+3. 57000), Fiorentina – Milan 1:2 (Dunkan, 50 - Loftus-Çik, 47. Leao, 53. 34273), Torino – Montsa 1:0 (Sanabriya, 69-p. 24286), Cenoa – Frozinone 1:1 (Qudmundsson, 30-p. – Reynir, 36. 31462), Sassuolo – Udineze 1:1 (Defrel, 41 – Toven, 44. 11512), Kalyari – Verona 1:1 (Sulemana, 74 – Bonatsoli, 30. 16000).
1. İnter 30 25 4 1 73-14 79
2. Milan 30 20 5 5 57-34 65
3. Yuventus 30 17 8 5 44-24 59
4. Bolonya 30 16 9 5 45-25 57
5. Roma 30 15 7 8 55-35 52
6. Atalanta 29 15 5 9 54-32 50
7. Latsio 30 14 4 12 37-33 46
8. Napoli 30 12 9 9 44-36 45
9. Torino 30 11 11 8 29-26 44
10. Fiorentina 29 12 7 10 42-34 43
11. Montsa 30 11 9 10 32-37 42
12. Cenoa 30 8 11 11 32-37 35
13. Leççe 30 6 11 13 26-45 29
14. Udineze 30 4 16 10 29-45 28
15. Verona 30 6 9 15 27-40 27
16. Kalyari 30 6 9 15 30-51 27
17. Frozinone 30 6 7 17 38-61 25
18. Empoli 30 6 7 17 22-45 25
19. Sassuolo 30 6 6 18 34-57 24
20. Salernitana 30 2 8 20 23-62 14
Bombardirlər: Lautaro Martines (İnter) - 23, Vlahoviç (Yuventus) - 15, Dibala (Roma), Jiru (Milan) - 12.
Növbəti turun oyunları aprelin 5-8-i aralığında keçiriləcək: Salernitana – Sassuolo, Milan – Leççe, Roma – Latsio, Empoli – Torino, Frozinone – Bolonya, Montsa – Napoli, Kalyari – Atalanta, Verona - Cenoa, Yuventus – Fiorentina, Udineze – İnter.

Turun rəqəmi
25 - “İnter” evdə “Empoli”dən maksimum xal aldı. İlk 30 turda 25-ci qələbəsini qazanan milanlılar öz rekordunu təkrarladılar. “İnter” ilk dəfə belə göstəriciyə 2006/07 mövsümündə Roberto Mançininin başçılığı altında nail olmuşdu.

Turun ulduzu
Aleksey Mirançuk (Atalanta) - rusiyalı futbolçu komandasının çətin Neapol səfərində maksimum xal qazanmasında böyük rol oynadı. Məhz onun hesabı açması və Skamakkaya verdiyi məhsuldar ötürmə berqamoluların evə 3:0 hesablı qələbə ilə dönməsində mühüm təsirə malik oldu. Son oyunlarda məhsuldar çıxışı ilə diqqəti cəlb edən Aleksey A seriyasında qollarının sayını 3-ə, məhsuldar ötürmələrinin sayını isə 4-ə çatdırdı.

Turun sitatı
Stefano Takkoni, “Yuventus”un sabiq qapıçısı: