“Arsenal” heyətinə yeni oyunçu cəlb edib.

London klubu “Real Sosyedad”dan Mikel Merinonu transfer edib. “Arsenal” 28 yaşlı dayaq yarımmüdafiəçisi üçün 32 milyon avro təzminat ödəyib. Mikel ilə müddəti 2028-ci ilin yayına qədər nəzərdə tutulan müqavilə imzalanıb.

Qeyd edək ki, Merino bu yay İspaniya millisi ilə Avropa çempionatının qalibi olub. O, “Real Sosyedad”ın formasında ümumilikdə 242 rəsmi matçda meydana çıxıb, 27 qol vurub və 30 məhsuldar ötürmə edib.