“Jirona” heyətini yeni futbolçu ilə gücləndirib.

İspaniya klubu “Uotford”dan Yaser Asprilyianı transfer edib. 20 yaşlı yarımmüdafiəçi ilə müddəti 30 iyun 2030-cu il tarixinə qədər razılaşdırılan müqavilə imzalanıb.

Tanınmış insayder Fabritsio Romanonun yaydığı məlumata görə, “Jirona” gənc futbolçu üçün “Uotford”a 18 milyon avro ödəyib. Müqavilədə 7 milyon avroluq bonus da nəzərdə tutulub. Bu isə İspaniya klubunun tarixinin transfer rekordu sayılır.

Qeyd edək ki, Yaser ötən mövsüm meydana çıxdığı 47 matçda 6 qol vurub və 8 qolun ötürməsini verib.