''Qalatasaray''ın ''Çaykur Rizəspor''u 6:2 hesabı ilə məğlub etdiyi oyun Fernando Muslera üçün əlamətdar oldu.

Belə ki, uruqvaylı əlcək sahibi Türkiyə çempionatinda yubiley - 400-cü oyununu keçirdi. 2 qol buraxmaqla 37 yaşlı qapıçının bu turnirdə ümumilikdə buraxdığı qolların sayı 385-ə yüksəldi. Göründüyü kimi Musleranın buraxdığı qolların sayı onun oyun sayından azdı! Məşhur qapıçı bu 400 oyundan 154-də qapısını toxunulmaz saxlayıbsa, 246-da qol buraxıb. O, bir oyunda maksimum 5 top buraxıb. 2011-ci ildən ''Qalatasaray''da çıxış edən Muslera klub tarixində ən çox (15) titul qazanan, eləcə də Türkiyə çempionatı tarixində ən çox oyun keçirən əcnəbi futbolçu statusundadı. Maraqlıdı ki, Musleranın aktivində qol da var. O 2011/12-nin 34-cü turunda ''Manisaspor''la oyunda (4:0) penaltidən fərqlənmişdi.

ƏLİ