Xəbər verdiyimiz kimi cümə günü ''Qalatasaray''ın ''Kasımpaşa''nı 2:1 məğlub etdiyi qarşılaşmada Fernando Muslera zədə almış və əvəzlənmək məcburiyyətində qalmışdı.

''Cim-Bom''un baş həkimi Yenər İncə təcrübəli qapıçının dirsəyinin çıxdığını və elə meydandaca ilkin müdaxilə ilə yerinə yerləşdirildiyini vurğulamışdı. Uruqvaylı əlcək sahibinin durumuna aydınlıq gəlib. O, ən azı 1 ay komandasına yardım edə bilməyəcək!

İlkin ehtimala görə Muslera Çempionlar Liqasında ''Bavariya'' və ''Mançester Yunayted'', Türkiyə çempionatında isə ''Hatayspor'', ''Alanyaspor'', ''Pendikspor'' və ''Adana Dəmirspor''a qarşı oyunları buraxmalı olacaq. Bu müddətdə qapını Günay Güvənç qoruyacaq.

Almaniyada doğulan və daha öncə ''Göztəpə'', ''Mersin İdman Yurdu'', ''Adanaspor'', ''Beşiktaş''da forma geymiş 32 yaşlı qapıçı bu yay ''Qaziantep''dən transfer olunub. O, məhz ''Kasımpaşa'' ilə oyunda Musleranın yerinə meydana çıxaraq ''Qalatasaray''ın heyətində debüt etmişdi.

ƏLİ