Mövsümə yaxşı başlayan və əzəli rəqib ''Fənərbaxça'' ilə çempionluq mübarizəsi aparan ''Qalatasaray''da Fernando Muslera ilə bağlı yeni qərar verilib.

Bilindiyi kimi təcrübəli əlcək sahibi İstanbul nəhəngində 13-cü mövsümünü keçirir və bir çox rekordların müəllifidi. Musleranın müqaviləsinin müddəti gələn yay, yəni cari mövsümün sonunda başa çatacaq. Amma hər iki tərəf bir-birindən razıdı. Muslera ailəsi ilə birlikdə İstanbulda xoşbəxtdi.

''Qalatasaray'' da 37 yaşlı qapıçının performansından məmnundu. Amma bir məsələ var ki, Musleranın illik maaşı 2,5 milyon avrodu. Rəhbərlik ona maaşının əhəmiyyətli dərəcədə azaldılması şərti ilə yeni müqavilə təklif edib. Türkiyə mətbuatının yazdığına inansaq, ünlü qapıçı bu təklifi qəbul edəcək. Musleranın indiyə qədər ''sarı-qırmızılar''ın heyətində 475 rəsmi oyuna çıxdığını, bunlardan 170-də qapısını toxunulmaz saxladığını və ümumilikdə 506 qol buraxdığını bildirək.

ƏLİ