Mövsümə yaxşı başlayan ''Beşiktaş'' zədə xəbəri ilə sarsılıb.

Dünənki məşqdə Nəcip Uysal sol dizindən ağır zədə alıb. Tibbi müayinədən sonra məlum olub ki, təcrübəli futbolçunun diz bağları qopub. Bu da o deməkdi ki, Nəcip təxminən 6-8 ay yaşıl meydanlara çıxa bilməyəcək! 33 yaşlı müdafiəçinin önümüzdəki həftə əməliyyat olunacağı gözlənilir. Bu arada məlum olub ki, ''Beşiktaş'' Nəcipin adını ilk dövrə üçün Türkiyə Futbol Federasiyasına göndəriləcək iştirak ərizəsinə salmayacaq.

Xatırladaq ki, Uysal ''Beşiktaş''ın öz yetirməsidi və karyerası ərzində başqa heç bir klubun şərəfini qorumayıb. O indiyə qədər ''Qartal''da 4 çempionluq olmaqla 10 titul qazanıb və 461 rəsmi oyun keçirərək 6 qol, 18 məhsuldar ötürmə ilə fərqlənib.

ƏLİ