Transfer dönəminin tamamlanması ilə birlikdə heyətini şəkilləndirən ''Beşiktaş''da bir futbolçu kənarda qalmalı oldu.

Football-plus.az xəbər verir ki, söhbət Atiba Hatçinsondan gedir. Ən son Natan Redmondu transfer edən İstanbul nəhəngində əcnəbi oyunçuların sayı 15-ə yüksəldi. Limitə görə mövsümlük iştirak ərizəsinə yalnız 14 əcnəbinin adını salmaq mümkündü. Bu üzdən rəhbərlik təcrübəli kanadalı yarımmüdafiəçinin müqaviləsini dondurmaq qərarına gəlib. Amerikalı Tayler Boyd ilə Hatçinson arasında seçim edən rəhbərlik üstünlüyü Boyda verib. Atibanın gələn ilin fevralında 40 yaşının tamam olacağını nəzərə alsaq, bu seçimi başa düşmək olar. Əslində Hatçinsonun müqaviləsi bu yay başa çatmışdı. Amma o, Kanada yığması ilə qarşıdakı mundialda iştirak edəcəyindən yaxşı formada qalmaq üçün ''Beşiktaş''la daha birillik müqavilə imzalamışdı. Amma futbolçu bu mövsüm hələ ki, heç bir rəsmi oyuna çıxa bilməmişdi. Çox güman o, DÇ-dən sonra karyerasın bitirəcək.

Xatırladaq ki, Hatçinson ''Beşiktaş''da 10-cu mövsümünü keçirirdi. O indiyə qədər bu klubda 3 çempionluq olmaqla 5 titul qazanıb və 326 rəsmi oyunda 26 qol, 23 məhsuldar ötürmə ilə yadda qalıb.