Gənc türkiyəli forvard Bertuğ Yıldırım ilə bağlı diqqətçəkən xəbərlər var.

Ötən yay 5 milyon avro qarşılığında ''Hatayspor''dan ''Renn''ə transfer olunan və Türkiyənin AÇ-2024-də çıxış edən heyətində yer alan futbolçu karyerasını İngiltərədə davam etdirməyə yaxın idi. Bir ara ''Fənərbaxça''nın da gündəminə düşən Bertuğ çempionşip təmsilçisi ''Norviç''ə keçməyin biraddımlığında idi. Amma transfer son anda baş tutmayıb. Əsas səbəb kimi ''Norviç''lə ''Renn'' arasında ödəmə şərtləri baxımından anlaşma əldə olunmaması göstərilir.

Amma BBC-nin iddiasına görə tibbi müayinə zamanı Bertuğ Yıldırımın dizində zədə aşkarlanıb. Bu üzdən ingilislər ondan imtina edib. 22 yaşlı futbolçu yenidən Fransaya qayıtmalı olacaq. Amma burda da onu xoş xəbərlər gözləmir. Çünki ''Renn'' artıq bu transferin bitdiyini düşünərək türkiyəlinin əvəzinə ''Sarpsborq''un 20 yaşlı forvardı Henrik Maysteri heyətinə qatıb. Ona görə də Yıldırımın yeni mövsümə harda başlayacağı qeyri-müəyyən olaraq qalır.

ƏLİ