''Renn''də daha bir türkiyəli futbolçu peyda ola bilər.

“Football-plus.az” xəbər verir ki, söhbət ''Sivasspor''un böyük gələcək vəd edən dayaq yarımmüdafiəçisi Yunus Əmrə Konakdan gedir. ''Sivasspor''un yetirməsi olan 2006-cı il təvəllüdlü futbolçu bu yaydan etibarən əsas komandaya dəvət edilib. Bu mövsüm Yunus geridə qalan 12 superliqa matçının hamısında start heyətində meydana çıxıb. İngiltərənin ''Qardian'' nəşri 18 yaşı tamam olmayan ən potensiallı 60 futbolçunun siyahısına Yunusun da adını əlavə edib. ''Renn'' skautları tərəfindən diqqətlə təqib edilən bu futbolçuya qış transfer dönəmində rəsmi təklif göndəriləcəyi gözlənilir. Yunus eyni zamanda İstanbul nəhənglərinin də hədəfindədi.

Xatırladaq ki, son 2 ildə ''Renn''ə artıq iki türkiyəli futbolçu transfer olunub. Bu komanda 2021-in yayında qapıçı Doğan Aləmdarı, bu yay isə forvard Bertuğ Yıldırımı heyətinə qatıb. Aləmdar hazırda icarə əsasında ''Trua''da çıxış edir.

ƏLİ