“Barselona” ciddi problemlə üzləşib.

İspaniya klubu La Liqanın 2024/25 mövsümünün başlamasına az qalmış 5 futbolçusunu qeydiyyatdan keçirə bilməyib. “Mundo Deportivo” qəzetinin məlumatına görə, kluba yeni gələn Daniel Olmo, həmçinin İnyiqo Martines, Pablo Torre, Pau Viktor və Aleks Valye hələ də La Liqada oynamaq üçün qeydiyyatdan keçməyib. Kataloniya klubu futbolçularını qeydiyyatdan keçirmək üçün maliyyə problemlərini qaydaya salmalıdı. Qeyd edək ki, “Barselona” son mövsümlərdə “maliyyə feyr-pleyi” qaydaları ilə əlaqədar problemlər yaşayır.

Komanda avqustun 17-də İspaniya çempionatının 1-ci turunda “Valensiya” ilə qarşılaşacaq. La Liqanın qaydalarına əsasən, oyunçular matçın başlamasına bir neçə dəqiqə qalmış qeydiyyatdan keçə bilərlər.