"Qarabağ"la matçdan əvvəl "transfermarkt" portalında komandaların dəyərinə baxanda düşünürsən ki, "Ludoqorets" favoritdi. Ancaq bu, meydana çıxana və matç başlayana qədər belə olur. Oyun "Ludoqorets"in əlində idi. Sonra öz səhvləri ilə, xüsusilə müdafiədə etdikləri səhvlərlə oyunu əldən verdilər. Mənim üçün “Qarabağ” çox mütəşəkkil komandadı. Onlar taktiki və texniki cəhətdən çox yaxşıdı, təhlükəli və sürətlidirlər. Şübhəsiz ki, hər iki oyuna yaxşı hazırlaşmalıyıq. Rəqibi mümkün qədər təhlil edirik. Hər bir detal çox vacib olacaq. Ümid edirəm ki, azarkeşlərimizin köməyi ilə cavab görüşündən əvvəl üstünlük qazanacağıq".