Püşkatmanın nəticəsinə görə "Qarabağ" ÇL-in 3-cü təsnifat mərhələsində "Ludoqorets"i mübarizədən kənarlaşdırsa, pley-offda Xorvatiya "Dinamo"suyla qarşılaşacaq.

"Football-plus.az" xəbər verir ki, püşk Zaqreb təmsilçisinin azarkeşləri tərəfindən maraqla qarşılanıb. Onlar "Qarabağ"ın "Lodoqorets"i sıradan çıxaracağına əmindilər.

Mariyan Tomaşiç: "Dinamo" "Lodoqorets"i asanlıqla əzə bilər. Amma "Qarabağ" bu işi bizə buraxmayacaq. Azərbaycan komandası çox təhlükəlidi. Ötən il izlədiyim oyunlarda məni şoka saldılar. "Bayer-04", sadəcə, möcüzə nəticəsində "Qarabağ"a qalib gəldi".
Nikola Vrucina: "Bundan daha yaxşı püşk atıla bilməzdi. "Qarabağ" "Ludoqorets"i, biz də "Qarabağ"ı asanlıqla keçəcəyik".
Andrey Bedniçki: "Ludoqorets"ə uğurlar! "Qarabağ", biz "Bayer-04" deyilik".
Zdenko Gozdanoviç: "Dinamo" çox diqqətli olmalıdı. "Qarabağ" pley-offa gəlsə, başımız bəladadı. Onları ciddiyə almalıyıq"
Lvika Pazin: "Dinamo" "Qarabağ"a qarşı "Bayer-04" kimi oynamalıdı. Ümid edirəm ki, "Qarabağ" "Dinamo" ilə "Bayer-04"ə qarşı oynadığı kimi oynamaz".
Daniel Vuk: "Qarabağ" = 16 milyon, Martin Baturina ("Dimano"nun yarımmüdafiəçisi - red.) = 20 milyon".

KƏNAN BAHADIR