''Qalatasaray''ın argentinalı ulduzu Mauro İkardi şəxsi həyatı ilə yenə gündəmdədi. Həyat yoldaşı və meneceri Vanda Nara ilə gah küsən, gah barışan, gah boşanan, gah da yenidən birlikdə yaşayan 30 yaşlı forvard bu dəfə gecə klublarının birində yaxalanıb.

"Football-plus.az" xəbər verir ki, son oyunda qol vura bilməyən forvard görünür, qollarını gecə klubuna saxlayıb.

İkardi bazar ertəsi Kuruçeşmedə yerləşən gecə klublarından birinə yollanıb və orda səhərə qədər əylənib. Özü də 3 xanımla birlikdə! Məkandan çıxmaq zamanı gəldikdə İkardi çıxışda jurnalistlərin olduğunu anlayıb. Kameralara yaxalanmamaq üçün əlindən gələni edərək plan quran məhşur futbolçu əvvəlcə xanımları ordan uzaqlaşdırıb. Təxminən yarım saat otaqda qalan, amma paparatsilərin ayrılmadığını görən İkardi bu dəfə dost-tanışlarını köməyə çağırıb. Yaxınları az qala canlı divar yaradaraq onu əhatəyə alıblar və Mauro ''tez bazar'' maşınına tərəf yönəlib. Argentinalı ulduz demək olar istəyinə çatıb. Çünki onun normal görüntüsünü çəkmək mümkün olmayıb. Amma İkardi maşına əyləşərkən kuryoz hadisə baş verib. Onun başı maşına dəydiyi üçün papağı yerə düşüb. ''Qalatasaray'' fanatlarından biri fürsətdən istifadə papağı götürüb və ordan qaçıb.

Bu hadisədən sonra diqqətlər Vanda Naraya yönəlib. Onun reaksiyası maraq doğurur. Vanda daha öncə dəfələrlə Mauronu xəyanətdə günahlandırıb.