"Qarabağ"ın bu qədər qol vuracağına əvvəldən əmin idim. Yəni 1:2 hesablı məğlubiyyətdən sonra belə, çox pozitiv idim. Bilirdim ki, “köhlən atlar”ın hücum xətti bu qədər qol imkanı yaradıbsa, ən azı bir neçəsindən istifadə edəcək. Belə oldu. Amma komanda heç də mükəmməl oyun nümayiş etdirə bilmədi. Yəni hücum baxımından yaxşı ola bilərdilər, lakin müdafiədə bəzi səhvlərə yol verildi. Burda həm də rəqibin ustalıq səviyyəsi rol oynadıı. Onların edə biləcəkləri uzun ara ötürmələriydi ki, bundan da çox yaxşı yararlandılar. Bizimkilər belə cinah ötürmələrinə qarşı konsentrasiya məsələsində bir qədər axsayırdı. Birinci qolda Medina başla qolu çıxarmaq istəyirdi, səhvə yol verdi. Lakin kobud səhv də saymaq olmaz, çünki peşəkar futbolçuların da başına gələ bilir. Bəzən zamanlamada gecikə bilirsən ki, bunları konsentrasiyaya bağlamaq olar. İnamsız görünən biri vardısa, bu da qapıçımız Buntiç idi. Heç penaltiyə yox, ya da hansısa kobud səhvə görə demirəm. Ümumiyyətlə, meydanda onun duruşu o qədər inam bəxş etmirdi. Məsələn, Lunyov olanda fərqli "Qarabağ" görürdük, amma bu qapıçı hələ o uyğunlaşmanı bitirməyib. Bəlkə də bəlli bir zamandan sonra bu Buntiç özünü təsdiqləyəcək. Amma hazırda o qədər də inamlı görünmür”.