“Doğrusu, “Ludoqorets”in indiki durumundan o qədər də xəbərim yoxdu. Ancaq müşahidə etdiklərimə və eşitdiklərimə əsasən, komanda əvvəlki kimi güclü deyil. Məsələn, Minsk “Dinamo”sunu çətinliklə keçdilər. Yəni indiki durumda “Dinamo” o qədər də ciddi sayılacaq rəqib deyil. Əlbəttə, Qurban Qurbanov da hər rəqibin oyunu izləmək üçün səfər etmir. Amma bu dəfə vaxt tapıb getdisə, daha yaxşıdı. Artıq özü rəqibin oyun üslubunu görüb və bu da “Qarabağ”ın şansını daha da artırır. “Ludoqorets” böyük klubdu, böyük camiədi. Elə yaxın keçmişdə yetərincə böyük uğurları olub. Çempionlar Liqasının qrup mərhələsində iştirak edib, bir sıra tanınmış klublarla üz-üzə gəlib və s. Amma dediyim kimi hazırda əvvəlki qədər əzəmətli görünmürlər. “Qarabağ”ı bu oyunun aşkar favoriti kimi görürəm”.

“Təbii ki, bu oyun “Linkoln”a qarşı oyundan fərqli olacaq. Fikrimcə, çempionatımızdakı istənilən komanda “Linkoln”u keçmək iqtidarındaydı. Bu baxımdan tam fərqli bir oyun olacaq. Amma hesab edirəm ki, “Ludoqorets” “Qarabağ”dan güclü deyil. Yəqin ki, təmsilçimiz rəqibindən həm maddi, həm də təcrübə baxımından daha yaxşıdı. “Ludoqorets”in Minsk “Dinamo”suyla ilk oyununa baxmışam. Onu qeyd edə bilərəm ki, əsasən legionerlərdən qurulmuş yaxşı heyəti var. Amma müdafiədə də çoxlu səhvlərə yol verirlər. Açıq futbol nümayiş etdirməyi sevirlər. “Qarabağ”a qarşı hansı strategiyanı seçəcəklərini bilmirəm. Lakin çox da qapanmış şəkildə oynayan komandaya oxşamırlar. Qurban Qurbanovun səfərinə gəlincə, məncə, Ağdam təmsilçisinin texniki heyətinin tərkibində Bolqarıstandan olan kifayət qədər məşqçi var. Onlardan biri də Çudomir Çakarovdu. Bəlkə də ikisi bir yerdə bu səyahətə gediblər. Ən azı həmin görüşün ciddiyyətini anlayırlar. “Qarabağ”ın çox yaxşı imkanı var ki, Çempionlar Liqasının qrupuna düşsün. Hesab edirəm ki, evdə qalib gələcəyik. Çətin oyun olsa da, düşünmürəm ki, “köhlən atlar” bu mərhələdə büdrəyəcək. Fikrimcə, “Qarabağ” “Ludoqrets”i keçə biləcək”.