“Bugünkü oyunda “Qarabağ”a uğurlar arzulayıram. Baxımlı oyun nümayiş etdirib qələbə qazanacaqlarına inanıram. Həm də hansı komandaya qarşı oynamalarından asılı olmayaraq, Tofiq Bəhramov adına Respublika stadionunda “Qarabağ” özünü çox yaxşı göstərir. Azarkeşlərin dəstəyi də burda önəmli amillərdən biridi. İki top üstün olmağımıza gəlincə, doğrudu, “Braqa”nın baş məşqçisinin, futbolçularının müsahibələrindən başa düşürük ki, bura aqressiv gələcəklər. Əlbəttə, hər bir komanda kimi, onlar da qalib gəlmək istəyir. Buna görə də “Braqa”nın ilk 15-20 dəqiqədə hücumda fəal olacağını düşünürəm. Amma bilirsiz ki, rəqibin hücumda oynaması müdafiədə boşluqların yaranmasına səbəb olur. “Qarabağ” da bu boşluqlardan istifadə etməyi bacaran komandadı. Hesab edirəm ki, rəqibin hücumlarından istifadə edən “köhlən atlar” elə əks-hücumlarda hesabı açacaq. Baxmayaraq ki, “Braqa” hücumda oynayacaq, amma “Qarabağ”da müdafiədə yox, hücumda oynayaraq öz oyununu diqtə edəcək”.