"Hesab edirəm ki, Portuqaliyadakı görüşə Ağdam təmsilçisi nisbətən geridən başlayacaq. “Braqa” yenə açıq oyun sərgiləyəcək. O komandanın bütün oyunlarına baxmışam. İstənilən rəqibə qarşı açıq oyun nümayiş etdirir, yəni müdafiədə oturmur. Həmişə 4-3-3 sistemlərinə sadiq qalırlar. Maraqlı qarşılaşma olacaq. Hər iki komandanın hücum xətti güclü olduğuna görə müdafiədə kimin konsentrasiyasası pozulacaqsa, lazım olan dəqiqliyi yerinə yetirə bilməyəcəksə, onun da məğlub olmaq şansı daha yüksəkdi. Sistem baxımından bir fərq yoxdu. Burda sistem önəmli rol oynamır. Onsuz da “Qarabağ” həmişə 4-1-4-1 sistemi ilə meydana çıxır. Çətinliyə düşəndə isə ortadakı oyunçulardan biri geriyə gəlir, dayaq yarımmüdafiəçi mövqeyində iki futbolçu oynayır. Bu dəyişikliyi etmək o qədər də çətin bir şey deyil. Düşünürəm ki, başqa bir sistemlə oynamayacaqlar. Önəmli olan rəqibi harda qarşılamaq olacaq. Düşünmürəm ki, matç başlayan kimi böyük pressinqlə oynasınlar. Halbuki “Qarabağ” pressinq edərkən çoxlu qollar da vurur. Məsələn, “Braqa” arxada oyun qurarkən həmişə səhvlərə yol verir. Meydanın mərkəzində çox təcrübəli, amma 36 yaşa çatmış Moutinyo var ki, bundan istifadə edə bilərlər. Belə deyim, hücumda qol imkanları yaradacaqlar, amma müdafiə xəttində boşluqlara yol verməsələr, bu matçda yaxşı nəticə əldə edə bilərlər. Zədəlilərə gəlincə, Medinanın əvəzinə son oyunda Maksimi meydana buraxdılar. Bu barədə fikir bildirmək mənə çətindi. Çünki kimin hansı səviyyədə hazır olub-olmadığını bilmirəm. Amma çox güman, Bəhlul - Bədavi ikilsi ilə başlayacaqlar. Çünki son oyunlarda bu iki nəfər daim oynayıb. Veşoviçi əvəz etməyə gəlincə, düşünürəm ki, bir tərəfdən Toral oynaya bilər, digər tərəfdən Cəfərquliyev var. Ehtiyac yaranarsa, Maksim də o mövqedə çıxış edə bilər. Yəni cinahlar bir o qədər də problem olası deyil. Əsas meydanın mərkəzidi ki, Bədavi də zədəyəmeyillidi. Uzun müddət oynamayıb, amma son turlarda formasını bərpa edib. Ümid edək ki, bu oyunlarda ciddi səhvə yol verilməyəcək. Qapı xətti yaxşıdı. Düşünürəm ki, Lunyov belə gərgin oyunda özünü göstərə biləcək. Mütləq qol imkanlarımız olacaq. Çünki “Braqa”nın müdafiə xətti ideal deyil. Sadəcə, bu qol imkanlarınıı reallaşdırmaq lazım gələcək”.