“Sumqayıt” səfərdə daha məsuliyyətli oynadı. Hazırkı "Sumqayıt"ın heyəti bu nəticəyə qədər vuruşa bilər, bundan artığı mümkün deyil. Həmçinin mətbuat konfransında Samir Abasov da bildirdi ki, gücümüz bura qədərdi. Düzgün, yerində deyilən sözlər idi. İsveçli hakim Kristoffer Karlsson və briqadası görüşü normal idarə etdi. Onun təcrübəsi meydanda hiss olunurdu. Həm futbolçularla davranışından, həm də müəyyən epizodlara yanaşmasından, oyunun ümumi ab-havasını tutmasından bilinirdi ki, psixoloji və fiziki cəhətdən hazırdı. Kaş elə ilk oyuna da təcrübəli hakim təyin olunaydı”.

"Sabah"ı əzmkar oyuna görə təbrik edirəm, sona qədər mübarizə apardı. Amma müdafiədə çoxlu səhvə yol verdilər. Slovakiyalı hakimlərin çıxışında müəyyən nüanslar gözümdən qaçmadı. İlk dəqiqələrdən matça köklənməsindən sözün əsl mənasında müəyyən çəkiyə sahib olduğu hiss edilirdi. Həmçinin köməkçiləri ilə əlaqəsi yaxşı idi. "Sabah"ın qapısına vurulan 2-ci qolda vaxtında müdaxilə etdi. Futbolçunun əli həmin məqamda qeyri-təbii vəziyyətdə idi. Hakimlər üçün ağır 120 dəqiqə oldu. Həm də Azərbaycan kimi iqlim şəraiti olan ölkədə oyun aparmaq çətindi. Ədalət təmsilçisi üzərinə düşən işin öhdəsindən layiqincə gəldi. Ümumilikdə idarəçiliyi yaxşı qiymətləndirmək olar. Amma Kraloviçin artıq çəkisi var idi, hətta bir dəfə top ona dəydi. Mövqe seçimində bir qədər əziyyət çəkirdi. Bu da onun çəkisinin normadan artıq olmasından irəli gəlirdi. Cəldlik, çeviklik, diaqonal hərəkətlər baxımından bu hakimdə axsamalar vardı. Amma oyunun ümumi axarını pozmadı, oyunu qaydalar çərçivəsində idarə etməyə çalışdı”.