“Elvin Cəfərquliyevlə neçə ildi millidə birgə işləyirik, yaxından tanıyıram. həyatda o qədər sakit təbiətli insandı ki, dindirsən, dinəcək, ya yox. Çox tərbiyəli, yerini bilən biridi. O ki qaldı meydanda son dövrlərdə aldığı qırmızı vərəqələrə, bunu başqa cür izah edərdim. Özünüz də təhlil etsəz, görərsiz ki, bütün sarı vərəqələri oyun epizodunda alıb. Yəni bununla hər futbolçu üzləşə bilər. Elə götürək "Araz-Naxçıvan"la oyunu. İlk “sarı”nı ikili mübarizəyə görə aldı, ikincidə oyunçunun arxasınca qaçanda ayağı ilişdi və hakim vərəqə verdi. Bütün bunlar bilərəkdən deyil ki, deyəsən bu futbolçu kobudluq, hakimə qarşı tərbiyəsizlik, oyunçularla dava edir. Hə, son vaxtlar belə hallar tez-tez olur. Görünür, burda psixoloji səbəb var. Görürsüz ki, ikinci "sarı"nı alanda özündən çıxdı. Çünki bilir ki, bu barədə yenə müzakirələr olacaq, yenə də məsələ gündəm olacaq. Bu üzdən çox pis olmuşdu. Bunu aradan qaldırmaq üçün müxtəlif cür cəza tədbirləri var. Amma elə metod seçilməlidi ki, Elvini o vəziyyətdən çıxarmaq baxımından xeyrinə olsun, nəinki onu bir daha bataqlığa atsın. Çünki Elvin Cəfərquliyev öz mövqeyində ən yaxşılardandı. Azərbaycan çempionatında güclü biri, həm də millinin oyunçusudu. Belədə tərbiyəvi iş getməlidi”.