''Fənərbaxça'' ''Luqano'' səddini keçərək Çempionlar Liqasında 3-cü təsnifat mərhələsinə yüksəlsə də, əsas futbolçularından birini itirib.

Belə ki, ''Luqano'' ilə cavab oyununda hələ ilk yarıda zədələnərək əvəzlənən Fredin tibbi müayinəsinin cavabı bəlli olub. Təcrübəli braziliyalı yarımmüdafiəçinin diz bağı zədələnib. Düzdü, diz bağları qopmayıb. Amma ''sambaçı'' ən azı 3-4 həftə komandaya kömək edə bilməyəcək. Yəni 31 yaşlı futbolçu ÇL-in 3-cü təsnifat mərhələsində ''Lill''ə qarşı hər iki oyunu buraxmalı olacaq.

Türkiyə mətbuatının yazdığına inansaq, Fredin zədələnməsi rəhbərliyin transfer siyasətini dəyişib. Düzdü, rəhbərlik bir mərkəz yarımmüdafiəçisi almağı zatən planlaşdırırdı. Sadəcə tələsmək istəmirdilər. Amma indi bütün diqqət məhz bu mövqenin gücləndirilməsinə yönəlib. Fredin yoxluğunda Mərt Hakan Yandaşın daha çox şans qazanacağı gözlənilir. ''Luqano'' ilə cavab oyununda bu futbolçu fasilədə Kruniçin yerinə meydana çıxmış, komandanın oyununu canlandırmış, üstəlik aktivinə məhsuldar ötürmə yazmışdı.

ƏLİ