''Fənərbaxça''nın Avropa Çempionatından qayıdan oyunçuları yavaş-yavaş adaptasiya olmağa başlayıb. Fiziki baxımdan da bu dəfə daha hazır durumda olacaqlar. İlk dəqiqələrdən üzərimizdə təzyiq qurmağa çalışacaqlarını düşünürük. Amma bizim də xarakterimiz dəyişib. Ötən illərlə müqayisədə daha güclüyük. Şənbə günü daxili çempionatda ''Bazel'' üzərində qazandığımız qələbə də bizə əlavə ruh yüksəkliyi verəcək. Qorxmadan oynayacağıq. Edə bildiyimiz şeyləri etməyə çalışacağıq. Qol buraxmadan ''Fənərbaxça''nı təzyiq altına salmaq istəyirik. 90 dəqiqə ərzində xarakter sərgiləyəcək və mübarizə aparacağıq. Stadion dolu olacaq. Atəşli fanatlara qarşı oynayacağıq. Bilirəm ki, bu stadionda qalib gəlmək heç də asan məsələ deyil. Oyuna yaxşı hazırlamışıq və ''Fənərbaxça''nı mübarizədən kənarlaşdırmaq istəyirik. Amma bunu həyata keçirmək üçün bəxt başda olmaqla hər şey bizim yanımızda olmalıdı''.