''Qalatasaray'' Avstriyadakı ikinci toplanışını başa vurdu.

Türkiyə çempionu üçün son yoxlama oyunu uğursuz alındı. Belə ki, ''Cim-Bom'' A seriyasının debütantı ''Parma'' ilə oyunda nəinki qələbəyə, hətta qola da həsrət qaldı. Lints şəhərindəki ''Rayffayzen Arena''da baş tutan görüş gözlənilmədən italyanların 2:0-lıq qələbəsi ilə yekunlaşdı. Halbuki İstanbul nəhəngi meydana demək olar, əsas heyətlə çıxmışdı. Yeni transfer Elias Yelert iştirak ərizəsində yer alsa da, meydana çıxmadı. Final fitindən sonra ''Qalatasaray''lı futbolçuların formaları fanatlara paylaması diqqət çəkdi. Bu addım əvvəlcədən planlaşdırılmışdı.

Beləliklə, ''Qalatasaray'' bu yay keçirdiyi 5 yoxlama oyunundan 2 qələbə, 3 məğlubiyyətlə ayrılmış oldu. Okan Burukun komandası daha öncə ''Trençin'' (4:1) və ''Leççe''ni (2:1) yenmişdisə, LASK (2:3) və Düsseldorf ''Fortuna''sına (2:5) uduzmuşdu.

ƏLİ