Türkiyə futbolunun tanınmış isimlərindən olan Umut Bulut futbolla vidalaşıb.

O, 41 yaşında karyerasını bitirmək qərarına gəlib. ''Petrolofisi''nin yetirməsi olan, peşəkar karyerasına bu klubda başlayan futbolçu daha sonra ''Ankaragücü'', ''İnəgölspor'', ''Trabzonspor'', ''Qalatasaray'', ''Tuluza'', ''Yeni Malatyaspor'', ''Eyupspor'' və son olaraq ''Sarıyer''in şərəfini qoruyub. Ulduzu 2006-11-ci illərdə çıxış etdiyi ''Trabzonspor''da parlayan Umut 2012-16-cı illərdə şərəfini qoruduğu ''Qalatasaray''da da diqqət çəkməyi bacarmışdı. Karyerası ərzində 2-si Türkiyə çempionluğu olmaqla 10 titul qazanıb. Hər iki çempionluğu ''Qalatasaray''ın heyətində əldə edib. O həm də Türkiyə çempionatı tarixində ən çox qol vuran futbolçulardandı. Umut 515 oyunda vurduğu 163 qolla turnirin ən məhsuldar oyunçuları arasında 9-cu pillədədi.

Bundan başqa Umut Türkiyə çempionatında ən çox oyun keçirmiş futbolçu statusundadı. Karyerası ərzində 751 oyunda 233 dəfə fərqlənən Umut futboldan ayrılmayacaq. Belə ki, o, Rza Çalımbayla anlaşma əldə edib və onun məşqçilər korpusuna daxil olub. Çalımbay hansı komandanın başına keçsə, Bulut onun köməkçisi olacaq.

ƏLİ