Sabah “DAK 1904” Konfrans Liqasının 2-ci təsnifat mərhələsi çərçivəsində “Zirə”ylə səfərdə qarşılaşacaq.

“Football-plus.az” xəbər verir ki, Slovakiya təmsilçisinin baş məşqçisi Xisko Munyoz oyundan qabaq keçirilən mətbuat konfransında iştirak edərək, oyunla bağlı fikirlərini bölüşüb və jurnalsitlərin suallarını cavablandırıb:

- Səyahət qrafikində dəyişiklik komandaya necə təsir edəcək?
- Rəqibə təşəkkürümüzü bildiririk. Bizə bütün dəstəyi göstərdilər. İlkin plan məşqi burada etmək idi. Sadəcə gec çatdıq. Qrafikimiz pozuldu. Məşqi öz bazamızda etmişik. Sabah kifayət qədər vaxtımız olacaq ki, istirahət edək. Çox dəyişiklik yoxdu. Hətta bu dəyişiklik daha yaxşı oldu.

- Sizcə, "Şerif" güclü idi, yoxsa "Zirə"?

- Hər iki komanda yaxşı idi. Oyunun taleyini kiçik detallar həll etdi. Hər iki komanda göstərdi ki, yaxşı səviyyədədi və yaxşı xarakteri var. 100 faizlərini meydanda qoydular. Sabah bizi yaxşı rəqib gözləyir. "Zirə" taktiki hazırlığı yaxşı olan komandadı. Sabah maksimum diqqətli olmalıyıq. Komanda tam hazırdı. Yeddi aydı səbirsizliklə bu anı gözləyirdik. Komanda üzvləri sabahkı oyunun necə vacib olduğunu anlayır.

- Bir neçə il əvvəl "Dinamo"da (Tbilisi) işləyərkən "Qəbələ" rəqibiniz olmuşdu. Həmin vaxtları necə xatırlayırsız? Üstəlik, o vaxtı "Qəbələ"nin hücumçusu olmuş Davit Volkov hazırda "Zirə"də oynayır....

- Biz indiyə kimi avrokuboklarda çıxış edəndə rəqiblərin ən yaxşıları ilə qarşılaşmışıq. O vaxt "Qəbələ" idisə, indi "Zirə"di. Komanda avrokuboklara çıxıbsa, demək ki, yaxşı səviyyədədi. Davit Volkov fərqli oyunçudur, keyfiyyətlidi. Oyunun taleyini bir anda dəyişəcək keyfiyyətə sahibdi.