''Beşiktaş'' daha bir yeni transferi açıqlayıb.

İstanbul nəhəngi ötən mövsüm elitanı tərk edərək 1-ci liqaya yuvarlanan ''Fatih Karagümrük''ün futbolçusu Can Keleşi heyətinə qatıb. 22 yaşlı futbolçu ilə dördillik müqavilə imzalanıb. Onun illik maaşı 21 milyon lirə təşkil edəcək. Bu transfer ''ağ-qaralar''a 2,5 milyon avroya başa gəlib. 2001-ci ildə Avstriyada doğulan və əsasən sağ vinger mövqeyində oynayan Keleş ''Austria''yanın yetirməsidi. ''Fatih Karagümrük'' onu ötən yay icarəyə götürmüş, bu yay isə daimi əsasda transfer etmişdi. Keleş 2023/24-ü 39 oyun 5 qol, 4 məhsuldar ötürmə göstəriciləri ilə tamamlamışdı. Bu iki klub arasında daha bir sövdələşmə baş tutub. ''Beşiktaş'' ötən mövsüm olduğu kimi yenə gənc qapıçı Əmrə Bilgini ''Fatih Karagümrük''ə birillik icarəyə verib.

20 yaşlı əlcək sahibi 2023/24-də 13 rəsmi oyunda meydana çıxmış və 5 matçda qapısını toxunulmaz saxlamışdı.

ƏLİ