Bu yay tarixinin ən güclü həyətlərindən birini quran və mövsümə rəsmi oyunlarda ardıcıl 7 qələbə ilə başlayan ''Fənərbaxça'' özünə lazım olmayan oyunçularla yollarını ayırmaqda davam edir.

"Football-plus.az" xəbər verir ki, hücum bölgəsinə edilən yeni transferlerin ardından oynamaq şansı qalmayan Sərdar Dursunun yeni komandasının adına aydınlıq gəlib. Təcrübəli forvard sabiq klubu ''Fatih Karagümrük''ə transfer olunub.

Bu futbolçunun ''Fənər'' ilə hələ birillik müqaviləsi var idi. Tərəflər qarşılıqlı şəkildə anlaşaraq müqaviləni ləğv ediblər. Amma təzminat, eləcə də Sərdarın yeni klubu ilə neçə illik müqavilə imzalaması barədə məlumat yoxdu. Xatırladaq ki, 31 yaşlı hücumçu ''Fənər''ə 2021-in yayında ''Darmştadt''dan gəlmişdi. Sərdar İstanbul nəhəngində ümumilikdə 64 rəsmi oyuna çıxaraq 19 qol, 7 məhsuldar ötürməlik performans sərgilədi. Dursun daha öncə 2014-16-cı illərdə ''Fatih Karagümrük''ün şərəfini qoruyub. Bundan başqa ''Fatih Karagümrük'' ''Beşiktaş''ın 22 yaşlı yarımmüdafiəçisi Kərəm Kəsgini birillik icarəyə götürüb.

ƏLİ