Millimizin hücumçusu Mahir Emrelinin Zaqreb "Dinamo"sundan ayrıldığı dəqiq olsa da, yeni klubu haqda konkret bilgi yoxdu. Hər halda, Xorvatiya təmsilçisi hələ onunla rəsmən vidalaşmayıb.

Bununla yanaşı, dünəndən bəri həmyerlimizin Almaniyanın 2-ci bundesliqa klubu "Nürnberq"lə anlaşdığı haqda xəbərlər yayılıb. Hətta onun bu gün həmin klubla müqavilə imzalayacağı iddia olunurdu. Lakin bu hələ baş verməyib.

"Football-plus.az"ın "Bild.de" nəşrinə istinadla xəbərinə görə, yayılan iddialar doğrudu. Daha dəqiqi, almaniyalı həmkarlarımız müqavilənin bu gün yox, iki gün sonra - iyulun 19-da imzalanacağını bildirir. Mahir isə həmin günə qədər "Dinamo"dan rəsmən ayrılmalı və "Nürnberq"in düşərgəsinə qoşulmalıdı.

KƏNAN BAHADIR