Zaqreb “Dinamo”sundan ayrılacaq ilk oyunçunun hansı kluba gedəcəyi də məlumdu.

“Football-plus.az” bu barədə Xorvatiya mətbuatına istinadla xəbər verir. Bu ölkənin mediasının məlumatına görə, Zaqreb təmsilçisinin çalışdırıcısı Sergey Yakiroviç onu qış hazırlığından kənarda saymasa da, italiyalı jurnalist Lorentso Lepore hücumçunun vətəni Azərbaycana qayıdacağını iddia edir. İnsayderin sözlərinə görə, Emreli əsas klubu "Qarabağ"a dönmək istəyir.

Millimizin hücumçusu 5 il Ağdam təmsilçisinin heyətində çıxış edəndən sonra “Legiya”ya keçib. O, 2022-ci ilin fevralından “Dinamo”da, 2023-cü ildə isə icarə əsasında Türkiyənin “Konyaspor” klubunda çıxış edib. “Dinamo"nun heyətində 47 oyunda 10 qol vurub və 5 məhsuldar ötürmə verib. “Transfermarkt” ona 1,2 milyon avro dəyər qoyub. Qeyd edək ki, Mahirin “Dinamo” ilə 2026-cı ilin iyununa qədər müqaviləsi var.

KAMAL SƏFƏR