Millimizin üzvü, müqavilə ilə Xorvatiya "Dinamo"suna məxsus olan Mahir Emreli haqda yeni xəbərlər var.

"Football-plus.az" saytının məlumatına görə, 26 yaşlı futbolçunu heyətində görmək istəyən 2 klub onunla əlaqə yaradıb. Bunlar Türkiyə "Konyaspor"u və İspaniya "Jirona"sıdı.

Türkiyə Futbol Federasiyasının azərbaycanlı futbolçuların legioner sayılmaması ilə bağlı qərarından sonra Konya təmsilçisi yenidən Mahirə müraciət edib. Klub hücumçunu 1 illik icarəyə götürmək niyyətindədi.

Xatırladaq ki, futbolçu Türkiyə çempionatında 12 matçda meydana çıxıb və 2 qol vurub. Hesabında məhsuldar ötürmə yoxdu.

"Jirona" isə milli üzvünü transfer etmək istəyir. Bununla bağlı Xorvatiya çempionunun rəhbərliyi ilə danışıqlara başlayan klub niyyətinə çatmaq üçün 2.5 milyon avro ödəməlidi.

Yeri gəlmişkən, bu gün Mahirin ad günüdü. "Dinamo" sosial şəbəkə hesabında onu təbrik edib.

KƏNAN BAHADIR