“Futbolçuların hamısı bu mövzuya görə mənimlə əlaqə saxlayıb. Mən də hamısına bir-bir deyirəm ki, gecikmə var, lakin yüzdəyüz maaşınız ödəniləcək. Mətbuatda yazılıb ki, guya idarə heyətinin sədri Elçin Usub futbolçulara “kimə istəyirsiz şikayət edin, bizə heç kim heç nə edə bilməz” deyib. Məndə olan məlumata görə, Elçin müəllim bu barədə, ümumiyyətlə, heç bir futbolçuyla danışmayıb. Danışsa belə, o da mənim dediyimi deyəcək. Məsələn, belə bir şey olub. Futbolçu bildirib ki, maaşımı bu gün ödəməsəz, şikayət edəcəm. Mən də bildirmişəm ki, şikayət etməyə tam haqqınız var. Lakin izah etməyə çalışıram ki, şikayət etdin-etmədin, onsuz da sənin maaşın ödəniləcək. Kimsə də şikayət etmək istəyirsə, qarşısını ala bilmərik. Ancaq dediyim kimi, hamısının maaşı ödəniləcək”.