Klub rəsmisi futbolçulara borclarının olduğunu təsdiqlədi - AÇIQLAMA
Ötən günlərdə "Şamaxı"nın komandadan ayrılan və icarəyə göndərilən 11 futbolçuya ümumilikdə 30 min 100 manat borcu olduğunu diqqətinizə çatdırmışdıq.
"Football-plus.az" olaraq, məsələ ilə bağlı klubla əlaqə saxladıq. "Şirlər"in idman direktoru Kamran İsmayılov mövzu ilə bağlı bunları söylədi:
"Yazılan məqaləni oxumuşam. Bəli, etiraf edirəm ki, bu informasiya doğrudu. Bizim futbolçulara borcumuz var. Məbləğlərdə xırda səhvlər var idi. Amma bu heç nəyi dəyişmir. Həmin futbolçulara borcumuz var. Hamısına fa söyləmişik ki, pullar ödənəcək".
Kamran bəy ödəniş vaxtını tam dəqiqliklə açıqlaya bilmədi:
"İndi nə desəm, yalan olacaq. Bu, 3 gün ərzində də ola bilər, 1 ay sonra da. Hər şey AFFA-nın nə vaxt ödəniş edəcəyindən aslıdı. Amma yenə deyirəm, futbolçular əmin olsunlar ki, borcları ödəniləcək".
İLKİN SULTANLI
Digər xəbərlər
