“Şamaxı”nın futbolçulara borcu olduğunu sizin vasitənizlə öyrəndik. Yəni məsələdən xəbərdarıq. Lakin lisenziya verilməsində şərtlər fərqlidi. Bəli, biz 2023/24 mövsümündə “Şamaxı”nın premyer-liqada iştirakını təsdiqləyən sənədi AFFA-ya göndərmişik. Lakin lisenziya şərtlərində göstərilir ki, klubun oyunçulara və əməkdaşlara borcu olmamalıdı. Bu şərt mövsümə aid edilmir. “Şamaxı” 2022-ci ilin maliyyə hesabatında göstərib ki, heç kimə borcu yoxdu. Buna AFFA-nın və klubun rəsmi saytında baxa bilərsiz. Klubun 2022/23 mövsümünün son ayı üçün oyunçulara borcu var. Bildiyim qədəri ilə “Şamaxı” rəhbərliyi bu məsələnin tezliklə həll olunacağı ilə bağlı açıqlama verib. Dünyanın hər yerində klublar oyunçulara borclu qalırlar. Pullarını ala bilməsələr, Oyunçuların Statusu və Transferi Komitəsinə müraciət edə bilərlər. Düşünürəm ki, burda böyüdüləsi heç nə yoxdu. Klubun müəyyən yerdən alacağı var və futbolçularla razılaşdırılıb ki, pullar veriləcək.

Gələk lisenziya məsələsinə. Premyer-liqada iştirak üçün lisenziyanın verilməsi mayda ictimaiyyətə açıqlanır. Hələ bununla bağlı hansısa klub bizə müraciət etməyib. Sənədlərin göndərilməsi başa çatana qədər “Şamaxı” borclarını ödəməsə, o zaman lisenziya ala bilməyəcək. Yenə deyirəm ki, dünya futbolunda belə hallara tez-tez rast gəlinir. Ümid edirəm ki, bu məsələ tezliklə həllini tapacaq”.