“Hələ cavandı, bilmədiyi, görmədiyi şeylər var” – Adil Şükürov Elnur Cəfərov haqda
Millimizin sabiq üzvü, “Kəpəz”ə məxsus olsa da, ötən mövsümü icarə əsasında “İmişli”də keçirən Elnur Cəfərov diqqətçəkən açıqlamalarla gündəmə gəlib.
“Sportal”a danışan futbolçu “sarı-göylər”in baş məşqçisi haqda aşağıdakı iddiaları səsləndirib:
“Adil Şükürov tanıdığı, bildiyi oyunçuları komandaya gətirir. Mənə dedi ki, sənə şans verməyəcəm. Futbolçunu sındırmağa nə var ki? O belə deyəndə, açığı, ağlıma başqa şeylər gəldi. “Kəpəz”ə gələnlər var. Ad çəkmirəm ki, kiminsə xətrinə dəyməsin. “İmişli”yə göndəriləndə, fikirləşdim ki, görəsən, ona kim deyib ki, "oğlumu komandaya gətir?”
Oyunçunun sözləriylə bağlı Adil bəyin fikirlərini öyrənməyi lazım bildik. Onun “Football-plus.az”a söylədikləri:
“Hələ cavandı. Bilmədiyi, görmədiyi şeylər var. Biz də həmin yaşlarda fərqli düşüncələrdə olurduq. Zamanla anladıq ki, insanların müxtəlif addımları atmasq üçün yetərincə haqlı səbəbləri ola bilər. Xeyirlisi... Əsas odu ki, biz işimizi təmiz görək və heç kimin qarşısında başıaşağı olmayaq”.
Qeyd edək ki, futbolçunun “Kəpəz”lə müqaviləsinin müddəti ötən ay başa çatıb. Klubun onunla yenidən anlaşıb-anlaşmayacağı sual altındadı.
KƏNAN BAHADIR
Digər xəbərlər
