“Kəpəz”in müdafiəçisi Rüfət Əhmədov komandadan ayrılmaq niyyətində olub.

“Football-plus.az”a daxil olan məlumata görə, futbolçu az şans qazandığından bu fikrə düşüb. O, başqa kluba keçmək istədiyinə görə baş məşqçi Adil Şükürova müraciət edib. Lakin mütəxəssis onun ayrılmaq niyyətiylə razılaşmayıb. Heyətin onsuz da kasad olması səbəbindən Rüfətə səbrli olması tövsiyə edilib.

Qeyd edək ki, 21 yaşlı futbolçu cari mövsümdə 13 dəfə meydana çıxıb və bir məhsuldar ötürməylə yadda qalıb.

KƏNAN BAHADIR