Adil Şükürov "Kəpəz"in ilk transferini açıqladı - "Ümid edirəm ki, məni yanıltmayacaq"
“Kəpəz” “Səbail”in futbolçusu Amil Yunanovla razılaşıb. Futbolçu yanvarın 4-də Gəncə təmsilçisinin heyətində məşqlərə qoşulacaq.
Bu haqda məlumatı “Futbol+”ə “Kəpəz”in baş məşqçisi Adil Şükürov verib. Mütəxəssis Amilin perspektivinə inandığını deyib:
“Onun karyerasından xəbərdaram və şans verildiyi təqdirdə özünü yaxşı tərəfdən göstərə biləcəyinə inanıram. Bizim də yerli və bacarıqlı hücumçuya ehtiyacımız var. Düşündüm ki, məhz Amil Georgi Papunaşvili. Adama Niane, Mate Kvrikviya, Junior Martins kimi aparıcı əcnəbi oyunçularımızla ayaqlaşa bilər. Ona inanıram. Ümid edirəm ki, məni yanıltmayacaq”.
Qeyd edək ki, futbolçuyla hələ rəsmi müqavilə imzalanmayıb. Əldə etdiyimiz əlavə məlumata görə, Amilin “Kəpəz”ə keçməsinin səbəbi Şahin Diniyevin ona əsas heyətdə çox şans verməməsidi.
KƏNAN BAHADIR
Digər xəbərlər
