"1-ci liqada çıxış edən komandaların futbolçularıyla maraqlanmırıq. Ümumiyyətlə, bu yöndə hansısa addım atılmayıb. İndiki durumda onların "Kəpəz"ə kömək edəcək səviyyədə olmadığını düşünürəm. Komandanı gücləndirməyəcəklər. Əksinə, aşağı liqadakı kollektivə futbolçu verməyi düşünürük. Elnur Cəfərovu "İmişli"yə icarəyə vermək istəyirik. Budan başqa, qapıçı Vladislav Vasilyuçekə komanda axtarırıq. Belə vəziyyətdə iki legioner qolkiperin olması bizim üçün həddən artıq ağır yükdü. Yaxın günlərdə bu məsələ həllini tapacaq. Maraq dairəmizdə olanlara gəlincə, daha çox yerli futbolçuları izləyirik. Reallıq odu ki, təcrübəli, "Kəpəz"ə kömək edə biləcək oyunçular bəzi klubların ehtiyat oyunçular skamyasında oturur. Onlarla əlaqə yaradıb heyətə cəlb etmək istəyirik. Hədəf boşluq olan mövqelərə uyğun olanları maya qədər icarəyə götürməkdi".