“Sabah”ın legioneri Jarl Marqarita ilə danışıqlar masasına əyləşdiyini xəbər vermişdik.

Xatırladaq ki, Masazır təmsilçisinin baş məşqçisi Krunoslav Renduliç futbolçunun performansından və davranış tərzindən narazıdı. Bu üzdən klub ondan yaxa qurtarmaq istəyir. Lakin “bayquşlar”ın oyunçuyla müqaviləsinin müddəti 2027-ci ilin yayına qədər olduğundan böyük miqdarda təzminat ödəməli olduğu bəllidi.

Belədə “Sabah” başqa yola əl atmalı olub. “Football-plus.az”ın məlumatına görə, Marqaritanın icarəyə verilməsi planlaşdırılır. Hazırda bu məqsədlə Niderland klublarından birinin təklifi dəyərləndirilir.
Qeyd edək ki, futbolçu özü də bu keçiddə maraqlıdı. Hər halda, o, karyerasını vətənində davam etdirmək variantına “yox” demir. Məsələyə bir neçə gün ərzində aydınlıq gələcək.

KƏNAN BAHADIR