"Sabah" yay "transfer pəncərəsi" üçün planlarını cızmağa başlayıb. "Football-plus.az"ın əldə etdiyi məlumata görə, Masazır təmsilçisinin heyətinə qatmağa hazırlaşdığı futbolçulardan biri də Emil Mustafayevdi.

"Bayquşlar" "Polesye"də çıxış edən və və artıq milli forma da geyən yarımmüdafiəçi ilə danışıqlara başlayıb. Qarşı tərəf hələ ki bu yöndə nə müsbət, nə də mənfi cavab verib. Lakin onun bu təklifə isti baxmadığı iddia olunur. Hücumameyilli yarımmüdafiəçinin karyerasını Ukraynada davam etdirmək niyyətində olduğu bildirilir. Təbii ki, hər şey hadisələrin axarından asılıdı.

Qeyd edək ki, Emilin "Polesye" ilə müqaviləsinin müddəti 2027-ci ilin iyununa qədərdi. O, cari mövsümdə bu komandaın heyətində 3 kubok, 11 premyer-liqa matçında (1 qol, 2 məhsuldar ötürmə) meydana çıxıb.

KƏNAN BAHADIR